ۇلىبريتانيا "التىن ۆيزا" باعدارلاماسىن الىپ تاستاۋ تۋرالى شەشىم شىعاردى

ۇلىبريتانيا ۇلكەن شەت ەلدىك ينۆەستورلاردىڭ اراسىندا كەڭىنەن تانىلعان «التىن ۆيزا» اتتى باعدارلامانى توقتاتۋدى كوزدەپ وتىر. بۇل تۋرالى Euronews حابارلادى.

اتالعان باعدارلاماعا ۇلىبريتانيا ەلىنىڭ ەكونوميكاسىنا كەم دەگەندە 2 ملن فۋنت سترەلينگ جۇمساعان تۇلعالار يەك ارتا الاتىن. الايدا، ۇلىبريتانيا ەلىنىڭ قارجىسىن تازارتۋ جانە قىلمىستىق ۇيىمدارمەن كۇرەس ءۇشىن قۇرىلعان جاڭا رەفورما اياسىندا توقتاتىلادى. ايتسە دە، حالىقارالىق ساراپشىلار مۇنىڭ ۋاقىتشا ەكەندىگىن ايتىپ، 2019 جىلى قايتادان ىسكە قوسىلاتىندىعىن مالىمدەپ وتىر.

نەگىزىنەن «التىن ۆيزا» اركەز بريتان قوعامىندا ۇلكەن سىنعا ۇشىراپ ءجۇردى. سەبەبى، كوپتەگەن بايلار مەن شەندى تۇلعالارعا وزدەرىنىڭ جىمقىرعان قارجىسىن تازارتىپ، ۇلىبريتانيا ەلىنە ەركىن كىرۋىنە مۇمكىندىك جاساپ بەرگەن قولايلى باعدارلاما رەتىندە قارادى.

ەستەرىڭىزگە سالا كەتەيىك، ەۋرووداق سوڭعى ون جىل ىشىندە اتالعان باعدارلامانىڭ قۇجاتى ارقىلى ميلليارد ەۋرودان استام قارجى وندىرگەن. سول سەكىلدى، ۇلىبريتانيانىڭ بايلارعا جاساعان «التىن ۆيزا» باعدارلاماسىن رەسەيدىڭ الەۋمەتتىك جاعدايى جوعارى ازاماتتارى كوپتەپ پايدالانعاندىعى دا انىقتالدى.

"The Qazaq Times"