فوتو: RT

بوكستى 2020 جىلى وتەتىن وليمپيادا ويىندارى باعدارلاماسىنان الىپ تاستاۋى مۇمكىن.

قاراشا ايىنىڭ 30-ى كۇنى توكيو قالاسىندا حالىقارالىق وليمپيادا كوميتەتىنىڭ وتىرىسى ءوتتى. وتىرىستا كوميتەت مۇشەلەرى 2020 جىلى توكيو قالاسىندا وتەتىن وليمپيادا ويىندارى باعدارلاماسىنان بوكستى ۋاقىتشا الىپ تاستاۋعا بايلانىستى شەشىم شىعارعان. اتالمىش شەشىمنىڭ قابىلدانۋىنا حالىقارالىق اۋەسقوي بوكس فەدەراتسياسىنىڭ (AIBA) باسشىلىعىنا وزبەكستاندىق كاسىپكەر عافۋر راحيموۆتىڭ كەلۋى سەبەپ بولعان.

اقش ادىلەت مينيسترلىگى عافۋر راحيموۆتى قارا تىزىمگە ەنگىزگەن. وعان «حالىقارالىق ترانسۇلتتىق قىلمىستىق ۇيىم مۇشەلەرىمەن بايلانىس ورناتتى» دەگەن ايىپ تاعىلعان. راحيموۆقا يسلام كارىموۆ تۇسىندا حالىقارالىق ىزدەۋ جاريالانىپ، وزبەكستاننان قۋىلعان. بىراق بيلىك باسىنا شاۆكات ميرزيەەۆتىڭ كەلۋىمەن عافۋر راحيموۆتىڭ رەسمي تاشكەنتپەن اراداعى قارىم-قاتىناسى جاقسارعان.

ەستەرىڭىزگە سالايىق، عافۋر راحيموۆپەن بىرگەن «AIBA» باسشىلىعىنا ۇمىتكەر رەتىندە قازاقستاندىق ارداگەر بوكسشى سەرىك قوناقباەۆ سايلاۋعا ءتۇسىپ، ۇتىلىپ قالعان.

"The Qazaq Times"