ەۋروپا وداعى اۋعانستاندى قايتا قۇرۋ ءۇشىن قارجىلاي جاردەم بەرمەك

ەۋروپا وداعى اۋعانستان جاعدايىن رەتكە سالۋ، ەلدى قالپىنا كەلتىرۋگە جاردەم رەتىندە 474 ملن ەۆرو قارجى بولمەك. بۇل تۋرالى جەنەۆادا وتكەن اۋعانستان تاقىرىبىنداعى بۇۇ كونفەرەنتسياسىندا بەلگىلى بولدى.

اتالعان كونفەرەنتسيانى بۇۇ مەن اۋعانستان ۇكىمەتى بىرلىكتە ۇيىمداستىرعان. جيىن اۋعانستاندى قايتا قۇرۋ، ەلدەگى تۇراقتىلىقتى قالىپتاستىرۋعا حالىقارالىق جاردەم توپتاستىرۋدى تاقىرىپ ەتكەن.

كونفەرەنتسيا بارىسىندا ەو كوميسسياسى مەن اۋعانستان اراسىندا قارجىلاي جاردەم بەرۋ كەلىسىمىنە قول قويىلعان. كەلىسىمگە ەو-نىڭ حالىقارالىق ىنتىماقتاستىق جانە دامۋعا جاۋاپتى وكىلى مەۆەن ميميكا مەن اۋعانستاننىڭ قارجى ءمينيسترى مۇحاممەد حۋمايۋم كاۋمين قول قويدى.

كەلىسىمگە ساي  ەۋروپا قايتا قۇرۋ جانە دامۋ بانكىنەن 474 ملن ەۆرو قارجى بولىنەدى.

اۋعانستاننىڭ تۇراقتىلىعى مەن ەلدى تۇتاسىمەن باقىلاۋىنا الا الاتىن بيلىكتىڭ بولۋى سول ەل ءۇشىن دە، وعان شەكارالاس ەلدەر مەن وڭىرلەر ءۇشىن دە اسا ماڭىزدى. قازىر اۋعانستاندا توپتاسقان تەررورلىق ۇيىمدار ءوڭىردىڭ قاۋىپسىزدىك ماسەلەسىن قيىنداتىپ وتىر.

“The Qazaq Times”