رەسەي ساربازدارى ۋكراينا تەڭىز اسكەري كەمەلەرىنە قارسى وق اتتى

رەسەيدىڭ شەكارالىق قىزمەتكەرلەرى كەرچەن بۇعازى ماڭىندا ۋكراينانىڭ اسكەري كەمەلەرىنە وق جاۋدىرعان. بۇل تۋرالى اتالعان ەلدىڭ تەڭىز اسكەري قىزمەتى مالىمدەپ وتىر.

اتىس كەزىندە ۋكراينالىق 6 سارباز جارالانىپ، كەمەنىڭ قوزعالتقىشى ىستەن شىققان. سول سەكىلدى اتالعان ۇرىستا رەسەي اسكەريلەرىنىڭ كۇشپەن باسىپ العاندىعى تۋرالى دا ۋكراينا تەڭىز اسكەري قىزمەتى ناقتى ايتۋدا.

25 قاراشا كۇنى ۋكراينالىق ءۇش اسكەري كەمە ودەسسادان ماريۋپولگە قاراي باعىت العان. الايدا، كەرچەن بۇعازىنان باسىپ وتۋگە رۇقسات بەرمەگەن رەسەي اسكەريلەرى، بىردەن وق جاۋدىرعان.

باسىن داۋدان الا قاشقان رەسەي فەدەراتسياسى اتالعان كەمەلەردىڭ ءوتۋى ءۇشىن ارنايى رۇقسات قاعازىنىڭ كەلمەگەندىگىن ايتۋدا. بىراق، بىرنەشە رەت ءوتىنىش جىبەرگەنىن ەسكەرتكەن ۋكراينالىقتار، مۇنىڭ قۇيتىرقى ارەكەت بولۋى ابدەن مۇمكىن دەگەن شەشىمگە كەلىپ وتىر. وسىنىڭ سالدارىنان ۋكراينا ەلى سوعىسقا دايىن ەكەندىكتەرىن دە اشىق تۇردە مالىمدەدى. ەندى اتالعان قاقتىعىستىڭ قالاي ورىن العاندىعى بۇۇ-نىڭ وتىرىسىندا كەڭىنەن تەكسەرىلەتىن بولادى.

"The Qazaq Times"