فوتو: 24.kz

قازاقستاننىڭ امەريكا قۇراما شتاتتارىنداعى جاڭا ەلشىسى تاعايىندالدى. جاڭا مىندەتتى بۇرىنعى سىرتقى ىستەر ءمينيسترى ەرجان قازىحانوۆ اتقاراتىن بولدى. بۇل قىزمەتتى وسىعان دەيىن قايرات وماروۆ اتقارعان بولاتىن. ول 2017 جىلدىڭ باسىندا بۇۇ جانىنداعى قازاقستاننىڭ تۇراقتى وكىلى بولىپ تاعايىندالعان ەدى.  

ەرجان قازىحانوۆ. فوتو: vlast.kz

ەرجان قازىحانوۆ وسىعان دەيىن قازاقستاننىڭ ۇلىبريتانيا بىرىككەن كورولدىگى مەن سولتۇستىك يرلاندياداعى، 2015 جىلى ساۋىردەن بەرى يرلانديا، يسلاندياداعى توتەنشە جانە وكىلەتتى ەلشىسى قىزمەتىن قوسا اتقارعان بولاتىن.

ە.قازىحانوۆ 1965 جىلى ومىرگە كەلگەن. 1987 جىلى لەنينگراد مەملەكەتتىك ۋنيۆەرسيتەتىن كسرو ديپلوماتيالىق اكادەمياسىن، ءۇندى حالىقارالىق قاتىناستار ينستيتۋتىن بىتىرگەن. سودان بەرى ءتۇرلى قىزمەت ساتىلارىنان ءوتتى. سىرتقى ىستەر ءمينيسترى (2011), پرەزيدەنتتىڭ كومەكشىسى (2012) لاۋازىمدارىنا دەيىن كوتەرىلدى.

ەرجان حوزەۇلى تاريح عىلىمارىنىڭ كانديداتى، توتەنشە جانە وكىلەتتى ەلشى راگىنىڭ يەگەرى. كوپتەگەن حالىقارالىق قاتىناستار، ديپلوماتيا سالاسى جانە بۇۇ قىزمەتى تاقىرىبىنداعى كوپتەگەن شىعارمالارى الدىڭعى قاتارلى باسپالاردان جارىق كورگەن.

 “The Qazaq Times”