اقش سۇرياعا قۇرلىق ارمياسىن اتتاندىرماق

CNN-ءنىڭ حابارىنا قاراعاندا، الداعى ۋاقىتتا اقش سۇرياعا (سيريا) قۇرلىق ارميا قارۋلى قوسىنىن جىبەرۋى مۇمكىن.

وتكەن ايدا قورعانىس مينيسترلىگىنە تاعايىندالعان جەيمس مەتتيسكە سۇرياداعى دياش تەررورلىق ۇيىمىنا سوققى بەرۋدىڭ ناقتى جوسپارىن دايىنداۋ تاپسىرىلعان بولاتىن. وسىعان وراي اقش قورعانىس مينيسترلىگى سۇرياعا ارنايى قۇرلىقتىق قوسىن اتتاندىرۋ جوباسىن ۇسىنۋى مۇمكىن. الايدا، بۇل تولىقتاي بەكىتىلىپ، پرەزيدەنتكە ۇسىنىلماعان جوبا بولىپ وتىر. ەگەر مينيسترلىك قۇرلىق كۇشتەرىن جىبەرۋدى ۇسىنسا بۇل تۋرالى پرەزيدەنت ارناۋلى مالىمدەمە جاساۋى كەرەك.

وسىدان بۇرىن تۇركيالىق «انادولى» اقپارات اگەنتتىگى تاراتقان ءبىر حاباردا، اقش-تىڭ دياش ۇيىمىنا قارسى ءبىر رەتكى اسكەري وپەراتسيادا، قۇرامىندا  ازايتىلعان ۋرانى بار 5265 دانا ساۋىت تەسەتىن وق اتقانىن ءمالىم بولعان ەدى. 2015 جىلى 16-22 قاراشا ارالىعىندا اقش اۋە كۇشتەرى ا-10 بومبىلاۋشى ۇشاعى ارقىلى دياش-تىڭ 300-گە جۋىق تانكتەردى قامتىعان سوعىس كولىكتەرىن  قيراتقان. بۇل جولى سۇرياعا قۇرلىق قوسىنىن اتتاندىرار بولسا رەسەي، تۇركيا تاراپتارىنان قارسىلىقتارعا ۇشىراۋى مۇمكىن.

“The Qazaq Times”