فوتو: نيكول پاشينيان

ارمەنيا پرەمەر-ءمينيسترى نيكول پاشينيان پارلامەنتتەگى مەرزىمىنەن تىس سايلاۋ ءۇشىن ءوزىنىڭ ورنىن بوساتۋعا نيەتتى. بۇل تۋرالى ول پارلامەنت عيماراتىندا وتكەن قارسىلىق ناۋقانى كەزىندە مالىمدەدى، - دەپ حابارلايدى تاسس.

ساياساتكەر وتستاۆكاعا كەتەتىن ناقتى ۋاقىتىن كەيىنىرەك حابارلايتىنىن ايتتى. ول ءوزىنىڭ وسى قادامىنىڭ مەرزىمىنەن تىس پرلامەنتتىك سايلاۋ وتكىزۋ ءۇشىن وتە قاجەت ەكەندىگىمەن تۇسىندىرگەن. «مەن وسىنداي كەزەڭدە حالىق جاڭا پرەمەر تاعايىنداۋعا جول بەرمەيدى دەپ ويلايمىن»، - دەگەن ول، وتستاۆكاعا كەتكەننەن كەيىن ءوزىنىڭ ۇكىمەت باسشىسىنىڭ مىندەتتەرىن ورىندايتىنىن دا ايتقان. بۇدان بۇرىن بەلگىلى بولعانداي، ارمەنياداعى مەرزىمىنەن تىس سايلاۋدىڭ جەلتوقسان ايىندا وتەتىنىن حابارلاعان ەدى.

كەشە، 2 قازان كۇنى ارمەنيانىڭ ۇلتتىق جيىنى پرەمەر-مينيستر وتستاۆكاعا كەتكەن جاعدايدا دا پارلامەنتتىڭ جۇمىسىن جالعاستىرۋىنا مۇمكىندىك بەرەتىن زاڭ جوباسىن قابىلداعان. سونىمەن قاتار، وسى كۇنى كەشكىسىن جۇزدەگەن ادام پارلامەنت عيماراتىندا قارسىلىق اكتسياسىن وتكىزدى. قارسىلىققا شىعۋشىلار دەپۋتاتتار مەن جۋرناليستەر وتىرعان عيماراتتىڭ بارلىق ەسىكتەرىن جاۋىپ تاستاعان.  ەسكە سالايىق، ۇستىمىزدەگى جىلدىڭ 8 مامىرىندا ارمەنيانىڭ ۇلتتىق جيىنى نيكول پاشينياندى پرەمەر-مينيستر ەتىپ  سايلاعان بولاتىن. بۇل سايلاۋ ەلدىڭ بۇرىنعى پرەزيدەنتى، پرەمەر-مينيستر سەرجا سارگسياننىڭ وتستاۆكاعا كەتۋىنە بايلانىستى وتكىزىلگەن ەدى.

“The Qazaq Times”