فوتو: El Pais

يندونەزيادا الاپات تسۋنامي  كەسىرىنەن ارتى-ارتىنان ورىن العان ءزىلزالا قازىرگى ۋاقىتقا دەيىن 384 ادامنىڭ ءومىرىن جالمادى. تابيعي اپات قۇرباندارى سانىنىڭ ارتقانى تۋرالى حاباردى يندونەزيا تابيعي اپات سالدارىن جويۋمەن اينالىسۋشى ۇلتتىق باسقارما حابارلادى، - دەپ جازادى haberler.com.

قازا تاپقانداردان بولەك، جاراقاتتانعاندار سانى جۇزدەن اسىپ كەتكەن. بۇدان بۇرىنعى حابارلاردا اۋرۋحاناعا جەتكىزىلگەندەردىڭ سانى شامامەن 400 ادام ەكەنى ايتىلعان ەدى. ەندى، دارىگەرلەردىڭ جاراقات العاندارعا كومەك كورسەتۋدە ۇلگەرمەي جاتقاندارى دا حابارلانۋدا. سۋلاۆەسي ارالى جاعالاۋىنداعى 6,1 باللدىق جەر سىلكىنىسى بۇگىن، 29 قىركۇيەك كۇنى تاڭەرتەڭ ورىن العان. بىرنەشە مينۋتتان كەيىن ءدال وسى اۋداندا 7,4 باللدىق ەكىنشى جەر سىلكىنىسى بولعان. ودان كەيىن، تاعى بىرنەشە اۆتەرشوك قايتالانعان. يندونەزيا بيلىگى تسۋنامي قاۋپىنىڭ ءالى دە بار ەكەنىن ەسكەرتكەنمەن، ارادان بىرنەشە ساعات وتپەي مۇنداي قاۋىپتىڭ بەتى قايتقانىن ايتىپ، تۇرعىنداردى ەۆاكۋاتسيالاۋ ءىسىن دە توقتاتقان. قازىرگى ۋاقىتتا الاپات تەڭىز داۋىلىنا گرەكيا دايىندالۋدا.

“The Qazaq Times”