گەرمانيا جاڭا پرەزيدەنتىن تاعايىندادى

كەشە، 12 اقپان كۇنى، الەۋمەتتىك دەموكرات، بۇرىنعى سىرتقى ىستەر ءمينيسترى فرانك-ۆالتەر شتاينمايەر گەرمانيانىڭ پرەزيدەنتى بولىپ تاعايىندالدى. بۇل تۋرالى BBC حابارلايدى.

گەرمانيانىڭ پرەزيدەنتىن 630  بۋندەستاگ دەپۋتاتتارىنان جانە 630  فەدەرالدىق توپتىڭ وكىلدەرىنەن تۇراتىن  اسسامبلەيا (توپ) تاڭدايدى. ءبىرىنشى كەزەڭدەگى داۋىس بەرۋدە شتاينمايەرگە ەڭ ازى 631 داۋىس جيناۋى قاجەت بولدى. ناتيجەسىندە ونىڭ كانديداتۋراسىن 931 ادام قولداعان، ال داۋىس بەرۋگە قاتىسقانداردىڭ سانى – 1239 (CNN دەرەكتەرى بويىنشا 1253).

شتاينمايەر اۋەل باستان باستى پرەزيدەنتتىككە ۇمكىتكەرلەردىڭ ءبىرى بولعان. پرەزيدەنت يواحيم گاۋك حالىققا جاسىنا بايلانىستى (ونىڭ جاسى 77-دە) ارى قاراي پرەزيدەنتتىك قىزمەتتى اتقارا المايتىندىعىن ايتقان. ەندى گاۋك 18 ناۋرىزدان باستاپ ءوز قىزمەتىنەن كەتەدى.

ايتا كەتەيىك، پرەزيدەنت 5 جىلعا سايلاندى جانە  تەك ءبىر رەت قانا  قايتا سايلانۋعا مۇمكىندىگى بار.

«The Qazaq Times»