فوتو: ensonhaber.com

تمد ەلدەرىندە 9 مىڭنان استام ادام تەرروريستىك ۇيىمدارعا قاتىسقانى ءۇشىن ىزدەستىرىلۋدە.  بۇل تۋرالى تمد ەلدەرىنىڭ تەرروريزمگە قارسى ورتالىق باسشىسى اندرەي نوۆيكوۆ مالىمەت بەردى، - دەپ جازادى central.asia-news.com/ru.

«بيىلعى جىلدىڭ قىركۇيەك ايىنداعى جاعداي بويىنشا، تەررورلىق جانە ەكسترەميستىك سيپاتتاعى قىلمىستارى ءۇشىن تمد ەلدەرىنەن 9 مىڭنان استام ادام حالىقارالىق ىزدەۋدە ءجۇر. ونىڭ 5 مىڭى جالدانباشى. ياعني، زاڭسىز قارۋلى توپتار مەن حالىقارالىق تەررورلىق ۇيىمداردىڭ قۇرامىندا جالدانىپ تەررورلىق ارەكەتتەرگە قاتىسقان»، - دەلىنگەن نوۆيكوۆتىڭ مالىمدەمەسىندە. ونىڭ سوزىنشە، اتالعان ورتالىق ىزدەۋدە جۇرگەن ازاماتتاردىڭ تۇرۋى مۇمكىن ورنى مەن اقپاراتتاردى جيناۋمەن اينالىسۋدا. ونىڭ مالىمەتتەرى «روزىسك» دەپ اتالاتىن مەملەكەتارالىق وپەراتسيالار تاراپىنان جۇرگىزىلەتىن تەرروريزمگە قارسى باعىتتاعى وپەراتسيالاردى اقپاراتپەن قامتاماسىز ەتۋ ءۇشىن پايدالانىلادى.

“The Qazaq Times”