يران پرەزيدەنتى: اقش سانكتسيالارى — ەكونوميكالىق تەرروريزمنىڭ ءبىر ءتۇرى

يران پرەزيدەنتى حاسان رۋحاني اقش-تىڭ «ورتاق قادام» جان-جاقتى باعدارلاماسىنان شىعۋى مەن وزگە ەلدەرگە ەنگىزگەن سانكتسيالارىن «ەكونوميكالىق تەرروريزم» فورمالارىنىڭ ءبىرى بولىپ تابىلاتىنىن ايتتى. بۇل تۋرالى «lemonde.fr» ءرۋحانيدىڭ بۇۇ باس اسسامبلەياسىنىڭ جيىنىنداعى سوزىنە سىلتەمە جاساپ حابارلايدى.

رۋحاني امەريكا پرەزيدەنتى دونالد ترامپتى اقش-تىڭ جاۋاپكەرشىلىگىنە الىنعان مىندەتتەمەلەردى بۇزۋشى ءارى وزگە ەلدەردى دە 2015 جىلى تەھرانمەن جانە الەمدىك دەرجاۆالارمەن جاسالعان يادرولىق كەلىسىمشارتتان شىعۋعا يتەرۋشى «بۇزاقى» دەپ اتاعان. ول سونىمەن قاتار، الەمدىك كەيبىر بيلەۋشىلەر ەكسترەميزمدى، ءراسيزمدى، كۆەنوفوبيالىق تەندەنتسيالاردى قولداۋ ارقىلى وزدەرىنە داۋىس جيناۋدا دەدى. ءارى، «مۇنداي بيلەۋشىلەر الەمدىك زاڭداردى بەلدەن باسىپ، حالىقارالىق ينستيتۋتتاردى بۇزۋدا»، - دەپ ايتقان. بۇدان بۇرىن، يران يسلام رەسپۋبليكاسىنىڭ باسشىسى اقش پرەزيدەنتى دونالد ترامپپەن كەزدەسۋدىڭ مۇمكىن ەمەس ەكەنىن مالىمدەگەن ەدى. وسىعان جاۋاپ رەتىندە دونالد ترامپ تا ونىڭ وتىنىشىنە قاراماستان، يران پرەزيدەنتىمەن كەزدەسەتىن ويى جوق ەكەنىن ايتقانىن حابارلاعان ەدىك.

“The Qazaq Times”