قازاقستان  تاۋارلاردى ەكسپورتتاۋ ايماعىن كەڭەيتىپ، قازىرگى ۋاقىتتا 123 ەلگە 800-گە جۋىق تاۋار تۇرلەرىن ەكسپورتتاپ جاتىر. بۇل تۋرالى ۇكىمەت وتىرىسىندا قر ينۆەستيتسيالار جانە دامۋ ءمينيسترى جەڭىس قاسىمبەك مالىمدەدى.

«ەلىمىزدە كەيبىر تاۋار تۇرلەرىن ەكسپورتتايتىن جاڭا وتكىزۋ نارىقتارى اشىلدى. مىسالى، 2018 جىلى ءبىز ماشينا جاساۋ ونىمدەرىن جانە قۇرىلىس ماتەريالدارىن وزبەكستانعا، حيميا ونىمدەرىن ۋكرايناعا جەتكىزۋدى باستادىق»، — دەدى ج. قاسىمبەك.

ءمينيستردىڭ سوزىنە سەنسەك، ءبىزدىڭ ازىق-تۇلىك ونىمدەرىمىز شەتەلدەردە ۇلكەن سۇرانىسقا يە. ەكسپورتتىڭ سومالىق كولەمى 112 ملن اقش دوللارىن قۇراعان. اتاپ ايتاتىندا، يرانعا، باحرەينگە ەت ونىمدەرىن جەتكىزۋ باستالسا، رەسەيگە ەت ونىمدەرى، مال جانە وسىمدىك مايلارى، قىتايعا وسىمدىك مايى، وزبەكستانعا قانت ەكسپورتى ارتقان.

“The Qazaq Times”