گۇلنار كارىموۆا. فوتو: Kapital.kz

گۇلنارا كارىموۆانىڭ شۆەتساريالىق ادۆوكاتىنىڭ حابارلاۋىنشا، وزبەكستاننىڭ بۇرىنعى پرەزيدەنتى يسلام كارىموۆتىڭ ۇلكەن قىزى ءتىرى، بىراق تاشكەنتتە وتە ناشار جاعدايدا ءۇي قاماۋىنا الىنعان. بۇل تۋرالى “فارس” ءباسپاسوزى حابارلادى.

تاجىك تىلىندە حابار تاراتاتىن راديونىڭ حابارلاۋى بويىنشا، گۇلنار كارىموۆانىڭ شۆەتساريالىق ادۆوكاتى گرەگۋار مانج ءوزىنىڭ 2016 جىلدىڭ جەلتوقسان ايىنىڭ 9-10 كۇندەرى، تاشكەنت قالاسىندا يسلام كارىموۆتىڭ ۇلكەن قىزىمەن، وزبەكستاننىڭ باس پروكۋراتۋراسىنىڭ تەرگەۋى كەزىندە كەزدەسكەنىن حابارلادى.

تەرگەۋ كەزىندە گۇلنارا كارىموۆانىڭ جەرگىلىكتى ەكى ادۆوكاتى دا بولعان.

2016 جىلدىڭ قاراشا ايىندا وزبەك ءباسپاسوز وكىلدەرى وزبەكستاننىڭ قاۋىپسىزدىك كوميتەتىنە سىلتەمە جاساپ، گۇلنار كارىموۆانىڭ ءولىمى جايلى حابار جاريالاعان. قاۋىپسىزدىك سالاسىنىڭ كەلەسى ءبىر دەرەككوزى گۇلنار كارىموۆانىڭ جەرلەۋ راسىمىنە ءوزىنىڭ قاتىسقانى جايلى ءۋاج ايتىپ، سentre1 اقپارات اگەنتتىگىنە گۇلنارا كارىموۆانىڭ ۋ بەرۋ ارقىلى ولتىرىلگەنىن حابارلاعان. الايدا، گرەۋار مانجدىڭ ايتۋىنشا، ەل اراسىنا تارالعان ءار ءتۇرلى قاۋەسەتتەرگە قاراماستان، گۇلنار يسلامقىزى كارىموۆا – ءتىرى. بىراق، تاشكەنتتەگى ءوز ءۇيى ماڭىنداعى كىشكەنتاي بولمەدە وتە ناشار جاعدايدا قاماۋدا وتىر.

“The Qazaq Times”