يزرايل مەن ءسۇريا شەكارا سىزىقتارىنا قاتىستى كەلىسسوزدەر باستادى

يزرايل مەن ءسۇريا اسكەريلەرى گولان شىڭدارى ايماعىنداعى شەكارا سىزىقتارىن قايتا قالپىنا كەلتىرۋ ماسەلەسىنە قاتىستى وسىمەن ءۇشىنشى رەت كەزدەسۋ وتكىزىپ وتىر. بۇل تۋرالى فرانتسيالىق france24.com/fr اگەنتتىگى حابارلايدى.

ايتا كەتۋ كەرەك، ەكىجاقتى كەلىسسوزدەرگە قاتىستى رەسمي مالىمدەمە ءالى جاسالمادى. دەگەنمەن، كەلىسسوزدەردىڭ گولان شىڭدارىندا، بۇۇ وكىلدەرىنىڭ دەلدالدىق ەتۋىمەن وتكىزىلگەنى تۋرالى حابار بار.  يزرايل مەن ءسۇريانىڭ شەكارا سىزىقتارىن قالپىنا كەلتىرۋگە باعىتتالعان تالقى يزرايلدىك اسكەريلەر تاراپىنان ءسۇريانىڭ اسكەري ۇشاعىنىڭ اتىپ تۇسىرىلۋىنە قاتىستى وقيعا توڭىرەگىندە وتكەن. يزرايل تاراپى ءوزىنىڭ وسى ارەكەتىن سۇريالىق اسكەري ۇشاقتىڭ يزرايل تەرريتورياسىنا زاڭسىز كىرگەندىگىمەن تۇسىندىرەدى.

ەسكە سالايىق، قازىرگى ۋاقىتتا ءسۇريا ۇكىمەتتىك اسكەرى مەن رەسەيدىڭ اۋە-عارىش كۇشتەرى ءسۇريانىڭ وڭتۇستىگىندە اسكەري وپەراتسيا جۇرگىزۋدە. وسى وپەراتسيا بارىسىندا سۇريالىق اسكەر گولان شىڭدارىنا قاراي ويىسقان. ەندىگى جەردە، يزرايل مەن ءسۇريانىڭ اراسىنداعى شەكاراسىنا قاتىستى ماسەلەدە تاعى دا ەلارالىق قاقتىعىسقا سەبەپ بولۋى مۇمكىن ەكەندىگىن ەسكەرگەن يزرايل تاراپى وسى كەلىسسوزدەردى مەملەكەتىنىڭ قاۋىپسىزدىگىنىڭ الدىن الۋ دەپ سانايدى.

“The Qazaq Times”