كوپشىلىك جۇرتقا بەلگىلى سايراگۇل ساۋىتبايدىڭ ىسىنە بايلانىستى سوت پروتسەسى بۇگىن، ياعني 23 شىلدە كۇنى ساعات 10:00 دە باستالۋعا ءتيىستى بولعان. تاراپتاردىڭ تالابى بويىنشا تۇستەن كەيىنگى ساعات 16:00-گە ۇزارتىلعان سوت وتىرىسىنىڭ شەشىمى جاريا ەتىلدى. 

سوت تورەشىسى شەشىمى بويىنشا كەلەسى سوت 1 تامىزعا شەگەرىلدى. فوتو: QT.

سوت تورەشىسىنىڭ شەشىمى بويىنشا، سوت پروتسەسى كەيىنگە شەگەرىلىپ، 25 شىلدەدە وتەتىن بولدى. وعان قورعاۋشىلار تارابىنىڭ، قوعام بەلسەندىلەرىنىڭ، زيالى قاۋىم وكىلدەرىنىڭ قر پرەزيدەنتىنىڭ اتىنا، باس پروكۋراتۋراعا جازعان اشىق حاتتى سوتقا ۇسىنۋى سەبەپ بولعان. بۇعان قوسا قورعاۋشى تاراپ ايىپتالۋشى سايراگۇل ساۋىتبايدىڭ كۇيەۋىنىڭ جەكە كۋالىگىن، زاڭدى نەكە كۋالىگى جانە بالالارىنىڭ تۋ تۋرالى كۋالىكتەرىن، سونداي-اق، حالىقارالىق بالالار قۇقىعىن قورعاۋ تۋرالى كونۆەنتسيانى تىركەۋدى سۇراعان.

ايىپتالۋشى، سايراگۇل ساۋىتباي. فوتو: QT

ال، ايىپتاۋشى جاق اتالعان  قۇجاتتارمەن تانىسۋعا 25 شىلدەگە دەيىن ۋاقىت سۇرادى. الايدا بۇل سۇراعان ۋاقىتقا سايراگۇلدى قورعاۋشى ادۆوكاتتىڭ الدىن الا بەلگىلەنگەن ءىس-ساپارىنا بايلانىستى كەلەسى سوت وتىرىسى 1 تامىز كۇنى ساعات 10:00-گە دەيىن كەشىكتىرىلگەن.

سوت پروتسەسىنە قوعام بەلسەندىلەرى، باق وكىلدەرى جانە ساياساتكەرلەر قاتىستى.

فوتو: QT

 

“The Qazaq Times”