ماكەدونيا ەل اتاۋىن وزگەرتپەيىنشە، ناتو قۇرامىنا قوسىلا المايدى

سولتۇستىكاتلانتيكالىق اليانستىڭ باس حاتشىسى يەنس ستولتەنبەرگ ماكەدونيا ءوزىنىڭ كونستيتۋتسيالىق اتاۋىن وزگەرتۋگە كەلىسپەسە، ونىڭ ناتو قۇرامىنا ەنۋى مۇمكىن ەمەس ەكەنىن ايتتى.

ستولتەنبەرگ ماكەدونيا ازاماتتارىنىڭ گرەكيامەن ارادا جاسالعان كەلىسىمشارتتان باس تارتۋ مۇمكىندىكتەرى بار ەكەنىن ايتىپ: «بۇل — ماكەدونيا حالقى شەشۋى ءتيىس ماسەلە. سىزدەر، ياعني ماكەدونيا حالقى ءۇشىن تاريحتا ءبىر رەت بولاتىن ۇلكەن مۇمكىندىك. سىزدەر تاڭداۋدى وزدەرىڭىز جاساۋلارىڭىز كەرەك. الايدا، ەل اتاۋىن وزگەرپەيىنشە، ناتو-نىڭ قۇرامىنا قوسىلۋعا جول جوق» - دەپ مالىمدەدى باس حاتشى. سارسەنبى، 11 شىلدە كۇنى ماكەدونيا اليانسقا كىرۋ ءۇشىن ارنايى  ششاقىرتۋ العانىنا قاراماستان، بۇل پروتسەسس ماكەدونيانىڭ كونستيتۋتسياسىنا وزەرىس ەنگىزىلمەگەن جاعدايدا توقتاتىلماق. «ەل اتاۋى وزگەرتىلمەسە، مۇشەلىك تە بولمايدى. تاڭداۋ وتە قاراپايىم»، - دەگەن باس حاتشى ءوز مالىمدەمەسىندە.

“The Qazaq Times”