ابحازيا مەن وڭتۇستىك وسەتيانىڭ تاۋەلسىزدىگىن مويىنداعان ءسۇريا ەۋرووداقتان سىن ەستىدى

ەو-تىڭ سىرتقى ساياسات قىزمەتىنىڭ ءباسپاسوز حاتشىسى «گرۋزيالىق ايماقتاردىڭ تاۋەلسىزدىگىن مويىنداۋ — حالىقارالىق قۇقىق ەرەجەلەرىن بۇزۋ بولىپ تابىلادى، - دەپ مالىمدەدى. بۇل تۋرالى lemonde.fr حابارلايدى.

ەو گرۋزيانىڭ ايماقتىق تۇتاستىعى مەن ەگەمەندىگىن تولىقتاي قولدايدى، دەگەن ءباسپاسوز حاتشىسىنىڭ مالىمدەمەسىندە: «ءبىز ەو-تىڭ وڭتۇستىك كاۆكاز مەن گرۋزياداعى داعدارىس جونىندەگى ارنايى وكىلدىگى مەن ەو-تىڭ باقىلاۋ ميسسياسىنىڭ جۇمىستارى ارقىلى داۋ-دامايدى بىرجاقتى ەتۋدى جالعاستىرا بەرەمىز»، - دەلىنگەن.

ەستەرىڭىزگە سالا كەتسەك، 29 مامىر كۇنى ءسۇريا باسشىلىعى ءوز ەگەمەندىگىن جاريالاعان ابحازيا مەن وڭتۇستىك وسەتيا «رەسپۋبليكالارىنىڭ» (ەكى ەلدىڭ تاۋەلسىزدىگى الەمدىك قاۋىمداستىق تاراپىنان ءالى تانىلمادى) تاۋەلسىزدىگىن مويىنداعانى تۋرالى مالىمدەگەن ەدى. وسى جاعدايدان كەيىن، گرۋزيا سۇريامەن ديپلوماتيالىق قارىم-قاتىناسىن توقتاتۋ تۋرالى ىسكە كىرىسكەن بولاتىن. نەگىزىنەن، ابحازيا مەن وڭتۇستىك وسەتيا ەلدەرى وزدەرىنىڭ تاۋەلسىزدىكتەرىن 1990 جىلداردىڭ باسىندا جاريالاعان ەدى. تەك، 2008 جىلى رەسەي عانا وسى «رەسپۋبليكالاردىڭ» تاۋەلسىزدىكتەرىن مويىنداعانىن حابارلادى. رەسەي فەدەرەراتسياسىنان كەيىن، نيكاراگۋا، ۆەنەسەلا، ناۋرۋ، ۆانۋاتۋ جانە تۋۆالۋ ەلدەرى دە گرۋزيالىق ايماقتاردىڭ تاۋەلسىزدىكتەرىن مويىندايتىندىقتارىن جاريالاعان ەدى.

جالپى، تبيليسي ابحازيا مەن وڭتۇستىك وسەتيا تەرريتوريالارىن گرۋزيانىڭ قاراماعىنداعى، ەرتەدەن باسىپ الىنعان ايماقتار دەپ ەسەپتەيدى. ال، نەگىزىنەن، الەمدىك قاۋىمداستىق گرۋزيانىڭ وسى اتالعان ەكى ەلدەگى ۇستەمدىگىن مويىنداپ كەلەدى. ايتا كەتەتىن تاعى ءبىر جايت، ەگەمەندىكتەرىن جاريالاعان ەكى ەل تەرريتورياسىندا رەسەيدىك اسكەري بازالارى بار.

“The Qazaq Times”