ەنەرگەتيكا مينيسترلىگى اي-80 ماركالى جانارماي باعاسىن ەركىن اينالىمعا جىبەرۋدى جوسپارلاپ وتىر. ۇكىمەت ءتيىستى شەشىم قابىلداسا، وندا وتىننىڭ بۇل ءتۇرى دە جۋىردا كۇرت قىمباتتاپ كەتۋى بەك مۇمكىن.

جانارماي ساتاتىن كومپانيالار مينيسترلىكتىڭ بۇل شەشىمىن قۋانا قابىلدارى انىق. ويتكەنى، بەنزين باعاسى ەركىن اينالىمعا جىبەرىلسە، وندا جەكەمەنشىك سەرىكتەستىكتەر جانارمايدىڭ بۇل ءتۇرىن وزدەرى قالاعان باعادا ساتاتىن بولادى.

قازىر قازاقستانداعى جانارماي قۇيۋ بەكەتتەرىندە اي-80 بەنزينىنىڭ ءليترى 89 تەڭگەگە ساتىلىپ جاتىر. مينيسترلىك بۇل باعا تىم ارزان دەيدى. سوندىقتان ونىڭ قۇنىن جانارماي شىعاراتىن كومپانيالاردىڭ وزدەرى بەلگىلەۋى كەرەك دەگەن توقتامعا كەلىپتى.

“The Qazaq Times”