ەردوعان گرەكيانىڭ پرەمەر-مينيسترىمەن 3 ساعات كەڭەس وتكىزدى. فوتو: Greek Reporter.

تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان 7 جەلتوقسان كۇنى گرەكيا استاناسى افيناعا ساپارلاي باردى. بۇل 65 جىلدان بەرگى تۇركيا باسشىلارىنىڭ العاش رەت گرەكياعا جاساعان ساپارى. بۇل تۋرالى «People» باسىلىمىنىڭ رەسمي سايتى حابارلادى.

ەكى ەل ۇكىمەتىنىڭ جوعارى دارەجەلى وتىرىسىندا گرەكيا پرەمەر-ءمينيسترى تسيپراس پەن تۇريكيا پرەزيدەنتى ەردوعان ءۇش ساعاتقا سوزىلعان كەڭەس وتكىزدى. رەسمي دەرەككوزدەرىنىڭ مالىمەتىنە قاراعاندا، ەكى ەل باسشىلارى ەگەي تەڭىزىندەگى تەرريتوريالىق قۇقىق جانە كيپر بەيبىتشىلىك پروتسەسى تۋرالى ءسوز بولعان. تۇركيا مەن گرەكيانىڭ بىرلەسكەن تەرروريزمگە قارسى كۇرەس قۋاتىن ارتتىرۋ ماسەلەسى دە قاراستىرىلعان.

گرەكيا مەن تۇركيا ۇكىمەتتەرى اراسىنداعى ديپلوماتيالىق داعدارىستىڭ تاريحى ۇزاق. بۇل ەكى ەل اراسىنداعى ەگەي تەڭىزى يەلىك قۇقىعى داۋىنان تارتىپ، بىرقاتار تاريحي، گەوساياسي سەبەپتەرمەن بايلانىستى. تۇركيا ۇكىمەتى تارابىنان پرەزيدەنت يسمەت ءينانيۋ بيلىگىنەن كەيىن گرەكياعا بىردە ءبىر تۇرىك باسشى ساپارلاپ بارماعان.

“The Qazaq Times”