يزرايل 1967 جىلى يەرۋساليمنىڭ شىعىسىن باسىپ العان. فوتو: GETTY IMAGES.

اقش-تىڭ جوعارى دارەجەلى رەسمي وكىلدەرىنىڭ ايتۋىنشا، پرەزيدەنت ترامپ يەرۋساليمدى ءيزرايلدىڭ ورتالىق قالاسى رەتىندە ءبىرىنشى بولىپ مويىنداماق. بىراق ترامپ مىرزا اقش ەلشىلىگىن تەل-اۆيۆ قالاسىنان كوشىرمەيتىنىن مالىمدەگەن. بۇل تۋرالى BBC-ءدىڭ رەسمي سايتى حابارلادى.

بۇل حابارلاما ترامپتىڭ بۇگىن  بولاتىن رەسمي مالىمەتىنەن بۇرىن تارقالىپ وتىر. دەگەنمەن، قۇراما شتات پرەزيدەنتى الى رەسمي مالىمدەمە جاسامادى. اراب ەلدەرىنىڭ باسشىلارى ترامپتىڭ شەشىمىنە الاڭداۋشىلىق بىلدىرۋدە. ءارى، «مۇسىلمانداردىڭ اشۋ-ىزاسىن تۋدىراتىن شەشىم» دەپ باعالاۋدا.

قازىر شىعىس پەن باتىس يەرۋساليم ماسەلەسىنە كوز تىگۋدە. بۇل بىرنەشە جىلدان بەرى سايابىرلاپ قالعان يزرايل-پالەستينا قاقتىعىسىنىڭ قايتا جاندانۋى دەپ قاراۋعا دا بولادى. اقش رەسمي تۇردە يەرۋساليم قالاسىن يزرايل استاناسى دەپ تانيتىن بولسا، وندا بۇل اراب ەلدەرى مەن يزرايل اراسىنداعى قاقتىعىسقا الىپ كەلەرى ايدان انىق.

1948 جىلى يزرايل مەملەكەتى قۇرىلعاننان بەرى ونىڭ ورتالىق قالاسىن يەرۋساليم رەتىندە ەشبىر ەل مويىنداعان ەمەس. اتالعان حابارعا قاراعاندا، قۇراما شتات يەرۋساليمدى يزرايل استاناسى دەپ تانىعان ءبىرىنشى ەل بولماقشى.

“The Qazaq Times”