لاڭكەستىك توپتار اۋعانستان جەرى ارقىلى ورتالىق ازياعا شابۋىل جاساۋى مۇمكىن

رەسەيدىڭ تاجىكستانداعى ەلشىلىگىنىڭ تاراتقان مالىمەتىنە سەنسەك، اۋعانستانداعى لاڭكەستىك توپتار سول ەلدىڭ سولتۇستىگىندەگى ايماقتار ارقىلى ورتالىق ازيا ەلدەرىنە ەنۋگە ارەكەت جاساۋى مۇمكىن. بۇل تۋرالى Tasnim (Tasnim New Agency) اقپاراتتىق اگەنتتىگى حابارلادى.

اتالعان مالىمدەمەنى رەسەيدىڭ تاجىكستانداعى باس ەلشىسى يگور فرولوۆ سول ەلدەگى ۇجىمدىق قاۋىپسىزدىك شارتى ۇيىمىنا مۇشە ەلدەردىڭ ورتاق اسكەري جاتتىعۋى كەزىندە مالىمدەگەن. ول لاڭكەستىك توپتاردىڭ اۋعانستان جەرىن پايدالانا وتىرىپ، ورتالىق ازيا ەلدەرىنە شابۋىل جاساۋى مۇمكىن ەكەنىن ەسكەرتكەن.

فرولوۆ سوزىندە: «اۋعانستانداعى قاۋىپسىزدىك جاعداي بارعان سايىن قيىنداۋ تۇسۋدە. بۇل ەلدەگى سوعىس جاقىن ارادا اياقتالا قويمايدى. ءبىز اۋعانستان جەرىنەن كەلەتىن ىقتيمالدى قاۋىپكە كوز جۇما قاراي المايمىز. ءدال قازىر قاۋىپ تونبەسە دە، ەرتەڭ قاتەر الىپ كەتۋى مۇمكىن. اۋعانستاننىڭ سولتۇستىك شەكاراسىنا جاقىن ماڭدا 4000-عا جۋىق قارۋلى سودىرلار بار»، – دەدى.

اۋعانستاننىڭ تاجىكستان، وزبەكستان، تۇركىمەنستان قاتارلى ورتالىق ازيا ەلدەرىمەن شەكاراسى 2384 شاقىرىم.  ال، قىتايدىڭ شىنجاڭىمەن شەكاراسى 90 شاقىرىمدى قۇرايدى.

“The Qazaq Times”