يراك اسكەرى تەررورشىلاردىڭ قولىنان سوڭعى قالانى ازات ەتۋدى باستادى

يراك اسكەرى "يسلام مەملەكەتى" لاڭكەستىك ۇيىمىنىڭ قولىندا قالعان سوڭعى قالانى ازات ەتۋ وپەراتسياسىن باستادى. يراك پەن ءسۇريا شەكاراسىندا ورنالاسقان راۆا قالاسى حاليفات سودىرلارىنىڭ ءبىر-بىرىنە قارۋ-جاراق پەن وزگە دە قاجەتتى زاتتاردى تاسىمالداۋ ورنى بولعان. بۇل تۋرالى ۆۆس اقپاراتتىق اگەنتتىگى جازدى. 

يراكتاعى جيحادشىلار قولىندا بولعان ءال-كايم قالاسى بوساتىلعاننان كەيىن، راۆا شاھارى مەن ونىڭ ماڭىنداعى اۋماعى شاعىن ايماق تەررورشىلاردىڭ ەلدەگى سوڭعى يەلىك ەتىپ وتىرعان مەكەندەرى. ەگەر راۆا قالاسى تولىقتاي ازات ەتىلسە، يراك "يسلام مەملەكەتى" لاڭكەستىك ۇيىمىنا قارسى كۇرەسىندە جەڭىسكە جەتەدى.

تەررورشىلارعا قارسى كۇرەستى يراكتىڭ قۇرلىق اسكەرى مەن ءسۇننيت تايپالار وداعى جۇرگىزىپ جاتىر. ولاردى اۋەدەن يراكتىڭ اسكەري ۇشاقتارى قولداپ وتىر. اقش-تىڭ جاساعان مالىمدەمەسىنە سايكەس، قازىر "يسلام مەملەكەتى" ۇيىمى ءوزىنىڭ يراكتاعى يەلىكتەرىنىڭ 95% جوعالتتى. ولاردىڭ قول استىنان 4,4 ملن يراكتىق ازات ەتىلدى.

“The Qazaq Times”