ەردوعان: ەۋروپا ءبىزدىڭ ۋاقىتىمىزدى الماسىن

تۇركيا مەن ەۋرووداق اراسىنداعى سوڭعى كەزدەگى سالقىن قارىم-قاتىناستار وسى اپتادا وتەتىن ەۋروپا وداعىنىڭ سامميتىندە تالقىلاناتىن بولادى. رەجەپ تايىپ ەردوعان ەۋروپا مەملەكەتتەرى تۇركيانىڭ ەۋرووداققا كىرۋ تۋرالى ءوتىنىشىن  قابىلدايتىنىن نە كەيىن قايتاراتىنىن انىقتاي الماي وتىرعاندىعىنا قاتىستى نارازىلىق ءبىلدىردى. بۇل تۋرالى ءال-جازيرا اقپاراتتىق اگەنتتىگى جازدى. 

تۇركيا پرەزيدەنتى رەجەپ تايىپ ەردوعان:  "ولار ءبىزدىڭ ءوتىنىشىمىزدى قابىلداپ وتىرعان جوق. بىراق ولار كەلىسسوزدەر جۇرگىزۋدى توقتاتتى ما؟ جوق. ولار ناقتى شەشىمىن ايتپاي، ءبىزدىڭ ۋاقىتىمىزدى الىپ وتىر", - دەدى.

كوپ ساراپشىلار انگەلا مەركەل تۇركيانىڭ ەۋرووداققا قوسىلۋىن قولدامايدى دەگەن پىكىر ايتقانىمەن، ول ناقتى قارسىلىعىن جاريالاعان جوق. گەرمانيا كانتسلەرى: "ماعان بۇل ماسەلەگە قاتىستى وزگە ەۋروپا مەملەكەتتەرىنەن ارىپتەستەرىمدى تىڭداپ كورۋ ماڭىزدى", - دەپ قىسقا قايىردى.

“The Qazaq Times”