ترامپ ازيا-تىنىق مۇحيت ەلدەرىنە ساپارلاي بارادى. فوتو: Reuters.

ترامپ ءوزىنىڭ قاراشا ايىندا بولاتىن 12 كۇندىك ازيا ساپارى تۋرالى جاريالادى. 8 قاراشادان باستاپ، قىتاي، جاپونيا، وڭتۇستىك كورەيا جانە فيليپپين ەلدەرىندە ساپاردا بولادى. بۇل تۋرالى «شينلاڭ» اقپاراتتىق سايتى حابارلادى.

اق ءۇيدىڭ 16 قازان كۇنى وتكىزگەن ءباسپاسوز ءماسليحاتى كەزىندە قۇراما شتات پرەزيدەنتتىنىڭ قاراشا ايىندا بولاتىن ازيا-تىنىق مۇحيت وڭىرىنە جاسالاتىن ساپارى تۋرالى مالىمەت جاريا ەتىلدى. وندا ترامپ ساپارىنىڭ 3 قاراشادان 14 قاراشا دەيىن، 12 كۇنگە جالعاسادى. 3 قاراشا گاۆاي ارالدارىنان باستالىپ، ارى قاراي رەتىمەن جاپونيا(5-6 قاراشا), وڭتۇستىك كورەيا (6-7 قاراشا), قىتاي (8-10 قاراشا), ۆەتنام(11-12 قاراشا), فيليپپين (12-14 قاراشا) ەلدەرىنە ساپارلايدى.

ءساۋىر ايىندا قىتاي باسشىسى شي جينپيڭ (سي تسزينپين/Xi Jinping) امەريكا قۇراما شتاتىنا ساپارلاي بارعان بولاتىن. سول كەزدە ترامپتى ءوز ەلىنە  كەلۋگە شاقىرعان. بۇل جولى اق ءۇيدىڭ مالىمدەمەسىنە قاراعاندا، ترامپ قىتاي ورتالىق قالاسى بەيجىڭگە ساپارلاي كەلىپ، قىتاي باسشىسىمەن كەزدەسەدى جانە بىرقاتار مادەني شارالارعا بىرگە قاتىسادى.

ترامپ سونداي-اق، جاپونيا، وڭتۇستىك كورەيا، ۆەتنام جانە فيليپپين قاتارلى ەلدەرگە دە بارادى. اق ءۇي مالىمدەمەشىسىنىڭ ايتۋىنشا، پرەزيدەنت ترامپتىڭ ساپارى اقش-تىڭ وداقتاستارى مەن ارىپتەستەرى اراسىنداعى بايلانىستى رەتتەپ، قۇراما شتاتتىڭ ايماقتاعى كوشباسشىلىققا دەگەن ۇمتىلىسىن تاعى دا راستايدى.

“The Qazaq Times”