نيكولاس مادۋرو مەن ەردوعان كەزدەستى. فوتو: Carib Flame.

ۆەنەسۋەلانىڭ پرەزيدەنتى نيكولاس مادۋرو تۇركياعا ساپارلاي بارىپ، تۇركيا پرەزيدەنتى رەجەپ تايىپ ەردوعانمەن كەزدەستى. بۇل تۋرالى سول ەلدىڭ «اناتولى» اقپاراتتىق اگەنتتىگى حابارلادى.

ساياسي تولقۋلار مەن ىشكى-سىرتقى قات-قابات قىسىمدا قالعان ۆەنەسۋەلا باسشىسى مادۋرو تىعىرىقتان شىعار جول ىزدەۋدە. اقش پەن ەۋروپانىڭ جانە بىرقاتار كورشىلەس ەلدەردىڭ سانكتسيا قىسىمىنا ۇشىراعان ۆەنەسۋەلانىڭ جاعدايى ءماز ەمەس. سول ءۇشىن مادۋرو شىعار جولدى الىس ازيا قۇرلىعىنان ىزدەپ وتىر. وسىدان بۇرىن رەسەي، قىتاي باسشىلارىمەن كەزدەسكەن ول يسلام ىنتىماقتاستىق ۇيىمىنىڭ ءسامميتى كەزىندە استانا قالاسىنا دا كەلىپ قايتقان ەدى.

بۇل جولعى تۇركيا ساپارىندا ەردوعان مەن مادۋرو ەكىجاقتى قاتىناستى جاقسارتۋدى قولعا الدى. اسىرەسە ەنەرگەتيكا مەن ساۋدا-ساتتىق سالاسىندا بەلسەندى سەرىكتەس بولۋ ماسەلەسىن تالقىلادى. ەكى ەلدەگى الەۋمەتتىك-ساياسي جاعدايلار جونىندە پىكىر الماستى. مادۋرو باستاپ كەلگەن دەلەگاتسيا مۇشەلەرى، سونىڭ ىشىندە سىرتقى ىستەر مينيسترلىگىنىڭ وكىلدەرى تۇركيا ءسىم باسشىسىمەن دە كەزدەسىپ بەرىك ديپلوماتيالىق كەلىسىمدەرگە قول جەتكىزدى.

“The Qazaq Times”