فوتو: The London Evening Post

ۇلىبريتانيانىڭ پرەمەر-ءمينيسترى تەرەزا مەي ەۋرووداقتان شىعۋ جۇمىستارى اياقتالعاننان سوڭ، سولتۇستىك يرلاندياداعى بەيبىتشىلىك باستامالارىنا ەۋروپا قورىنان بولىنەتىن قارجىنى ءوز قازىناسىنان تولەۋى مۇمكىن دەگەن مالىمدەمە جاسادى. بۇل تۋرالى Reuters اقپاراتتىق اگەنتتىگى جازدى.

سولتۇستىك يرلانديا جەرىن اعىلشىندارعا ۇلەستىرىپ وتىرعان ورتالىق بيلىكتىڭ ساياساتىنا قارسى جەرگىلىكتى ۇلتشىلدار مەن ۇلىبريتانيا ۇكىمەتى اراسىندا بولعان قاقتىعىستاردىڭ سوڭعى نۇكتەسى 1998 جىلى قويىلىپ، قوس تاراپ "بەلفاست" كەلىسىمىنە قول قويدى. 3 مىڭ 600-گە جۋىق ادامنىڭ ءومىرىن قيعان وقيعادان كەيىن، اتالعان مەكەندە بەيبىتشىلىك ورناتۋ جانە ونى ساقتاۋ ماقساتىندا ەۋرووداق سولتۇستىك يرلاندياعا ميللياردتاعان ەۋرو قارجى ءبولىپ كەلدى.

تەرەزا مەي ەۋرووداقتىڭ بەيبىتشىلىك بويىنشا بولەتىن قارجىسى 2020 جىلى توقتاىلعان سوڭ، بۇل شىعىنداردى ۇلىبريتانيا ۇكىمەتى ءوز موينىنا الۋى مۇمكىن ەكەنىن جەتكىزدى. "بىرنەشە ونجىلدىققا سوزىلعان قاندى قىرعىننىڭ قۇرباندارىنا قولداۋ كورسەتۋ بويىنشا جەكە باعدارلاما تاعايىنداۋدى قولعا الامىز", - دەدى پرەمەر.

“The Qazaq Times”