باراك وباما ۇلكەن ساياساتقا قايتىپ ورالۋى مۇمكىن

اقش-تىڭ بۇرىنعى پرەزيدەنتى باراك وباما جاقىن ۋاقىتتا ۇلكەن ساياساتقا قايتىپ ورالادى – دەپ جازادى  Washington Examiner باسىلىمى.

باسىلىمنىڭ مالىمەتىنشە، اقش دەموكراتتارى پرەزيدەنت سايلاۋىندا رەسپۋبليكاشىلداردان جەڭىلگەننەن كەيىن، باراك وبامانى ءوز قاتارلارىنا قايتا شاقىرعان. ويتكەنى حيللاري كلينتوننىڭ دەموكراتتار ءۇمىتىن اقتاي الماۋىنان پارتيانىڭ ەلدەگى ساياسي بەدەلى ءتۇسىپ كەتكەن. بىراق باراك وباما ۇلكەن ساياساتقا قايتىپ ورالىپ، دەموكراتتار قاتارىنا قوسىلعانىمەن ول پارتيا كوش باسشىسى بولا المايدى. سەبەبى ول زاڭ بويىنشا، 2020 جانە 2024 جىلدارى وتەتىن پرەزيدەنت سايلاۋىنا قاتىسا المايدى. وسىعان بايلانىستى دەموكراتتار الدىعى 8 جىلعا وزدەرىنىڭ جاڭا كوش باسشىسىن تاعايىنداۋى ءتيىس.

وسى تۇستا باراك وبامانىڭ ساياساتتاعى تاجىريبەسى مەن قىراعىلىعى دەموكراتتارعا اۋاداي قاجەت بولىپ وتىرعانى ايتپاسادا تۇسىنىكتى. ونىڭ ۇستىنە پارتيانىڭ قارجىلاي ءال-اۋقاتىن ارتتىرۋ ءۇشىن دە وبامانىڭ بەرەرى مول. اقش ساراپشىلارىنىڭ پىكىرىنشە، 2016 جىلى وتكەن پرەزيدەنت سايلاۋىندا دەموكراتتاردىڭ رەسپۋبليكاشىلداردان جەڭىلىپ قالۋىنىڭ باستى سەبەبى وسى قارجى ماسەلەسى. 2016 جىلى ترامپ پەن كلينتون تەكەتىرەسىندە رەسپۋبليكاشىلدار سايلاۋداعى ۇگىت-ناسيحات جۇمىستارىنا 13,5 ميلليون دوللار قارجى جۇمساعان. ال دەموكراتتار بولسا، بۇل قارجىنىڭ جارتىسىنادا جەتە الماعان. ولار ۇگىت-ناسيحات جۇمىستارىنا نە ءبارى 5,5 ميلليون دوللار قارجى سالعان.

“The Qazaq Times”