اقش يراك اۋماعىنا جاڭا اسكەري بازا سالماق - دەپ حابارلايدى انادولۋ اقپارات اگەنتتىگى.

انادولۋ اگنەتتىگىنىڭ مالىمەتىنشە، اقش يراكتىڭ سولتۇستىگىندە ورنالاسقان تالل-افار قالاسى ماڭىنان جاڭا اسكەري بازا سالماق.

يراك قارۋلى كۇشتەرىنىڭ رەسمي وكىلى پولكوۆنيك مەحدي ءال-ءحافادجيدىڭ ايتۋىنشا، اقش اسكەريلەرىنىڭ ەلدىڭ سولتۇستىگىندە سالايىن دەپ جاتقان جاڭا بازاسى تالل-افار قالاسىن «يسلام مەملەكەتى» لاڭكەستىك ۇيىمىنان ازات ەتۋگە كومەكتەسەتىن بولادى.

يراك اۋماعىندا اقش-تىڭ جاڭا اسكەري بازا سالۋىعا بايلانىستى شەشىم وتكەن اپتادا موسۋل قالاسىنىڭ باتىسىندا ورنالاسقان زەممار اۋدانىندا يراك قارۋلى كۇشتەرى مەن اقش اسكەريلەرىنىڭ ەكى جاقتىق كەزدەسۋى كەزىندە قابىلدانعان.

“The Qazaq Times”