يران رۋحاني كوسەمى حاسان رۋحانيدى قايتالاي پرەزيدەنت ەتىپ تاعايىندادى

بەيسەنبى كۇنى تۇستەن بۇرىن يراننىڭ رۋحاني كوسەمى اياتوللا حومەيني يران حالقىنىڭ بەرگەن داۋىسىن قولداپ، حاسان رۋحانيدى يران پرەزيدەنتتىك لاۋازىمىنا قايتا تاعايىندادى. بۇل تۋرالى سول ەلدىڭ «پارس.اقپارات» اگەنتتىگى حابارلاپ وتىر.

رۋحاني كوسەمدەرى سايلاۋعا ەل حالقىنىڭ تۇگەلگە جۋىعى قاتىسقانىن اتاپ ءوتىپ، رەسپۋبليكالىق جۇيەنىڭ نىعايا تۇسكەنىن كورسەتەدى دەدى. ير پرەزيدەنتىنە ءوزىنىڭ بار كۇش-قۋاتىن ادىلەت ورناتۋ، قوعامنىڭ ءالسىز توپتارىنا قارايلاسۋ، ۇلتتىق بىرلىك پەن ابىروي-بەدەلدى نىعايتۋ، ەلدىڭ ىشكى مۇمكىندىكتەرى مەن الەۋەتتەرىنە كوڭىل اۋدارۋ جانە يسلام رەۆوليۋتسياسىنىڭ قۇندىلىقتارى مەن نەگىزدەرىن شىنايى تۇردە ساقتاۋ جولىندا جۇمساۋعا كەڭەس بەردى.

يران كونستيتۋتسياسىندا پرەزيدەنتتىڭ رەسمي تاعايىندالۋى رۋحاني كوسەمنىڭ قول قويىپ، بەكىتۋىمەن جانە سەنىم حات بەرۋىمەن جۇزەگە اسادى. پرەزيدەنتتىك وكىلەتتى كەزەڭ 4 جىلدان تۇرادى. ءبىر ادامنىڭ قاتارىنان ەكى كەزەڭ سايلانۋىنا مۇمكىندىك بار. سونىمەن، 69 جاستاعى حاسان رۋحاني يران يسلام رەسپۋبليكاسىنىڭ پرەزيدەنتىگىنە رەسمي قايتا تاعايىندالدى.

“The Qazaq Times”