«يسلام مەملەكەتى» لاڭكەستىك ۇيىمى كەلەسى سوعىس وشاعىن ليۆيا اۋماعىندا تۇتاندىرۋى مۇمكىن.

سوڭعى ۋاقىتتا ءسۇريا مەن يراك اۋماعىندا ءوز پوزيتسيالارىن جوعالتىپ جاتقان «يسلام مەملەكەتى» سودىرلارى قازىرگى تاڭدا ليۆيا مەن تۋنيس شەكارالىق اۋماعىندا بەلسەندىلىك تانىتا باستادى.

ليۆيا اسكەريلەرىنىڭ مالىمەتىنشە، «يسلام مەملەكەتى» ۇيىمىنىڭ سودىرلارى ەل اۋماعىنا 2013 جىلى كەلگەن. العاشىندا «يسلام مەملەكەتى» ۇيىمىنىڭ اسكەري بازالارى ەلدىڭ شىعىسىندا ياعني مىسىر شەكاراسىنا جاقىن جەردە بولعان. قازىر ولار تۋنيسپەن شەكارالاس اۋداندارعا اۋىسا باستاعان. بۇعان باستى سەبەپ ليۆيا اۋماعىندا جۇرگەن «يسلام مەملەكەتى» سودىرلارىنىڭ باسىم كوپشىلىگى تۋنيس ەلىنىڭ ازاماتتارى.

Fox News تەلەارناسىنىڭ حابارلاۋىنشا، ليۆيا اۋماعىندا «يسلام مەملەكەتى» لاڭكەستىك ۇيىمىنىڭ 500-گە جۋىق سودىرى بار. ال ليۆيا ۇلتتىق اسكەرىنىڭ پولكوۆنيگى احمەد المەسماريدىڭ ايتۋىنشا، ولاردىڭ سانى 10 ەسە كوپ بولۋى مۇمكىن.

شەتەلدىك ساراپشىلارىنىڭ سوزىنشە، «يسلام مەملەكەتى» لاڭكەستىك ۇيىمى ءسۇريا مەن يراكتا جەڭىلىس تاپقاننان كەيىن، ليۆيا اۋماعىندا قايتا كۇش الۋىنا بەي-جاي قاراۋعا بولمايدى.

“The Qazaq Times”