گۇلنارا كارىموۆانىڭ ۇستىنەن قىلمىستىق ءىس قوزعالدى

وزبەكستاننىڭ بۇرىنعى پرەزيدەنتى يسلام كارىموۆتىڭ قىزى گۇلنارا كارىموۆانىڭ ۇستىنەن قىلمىستىق ءىس قوزعالدى - دەپ حابارلايدى وزبەكستان باس پروكۋراتۋراسىنىڭ ۇيىمداسقان قىلمىسقا قارسى كۇرەس جانە سىبايلاس جەمقورلىققا قارسى باسقارماسىنىڭ ءباسپاسوز قىزمەتى.

وزبەكستان باس پروكۋراتۋراسىنىڭ مالىمەتىنشە، گۇلنارا كارىموۆانىڭ ۇستىنەن وزبەكستان قىلمىستىق كودەكسىنىڭ 168, 178, 182, 189, 228 جانە 243 باپتارى بويىنشا قىلمىستىق ءىس قوزعالىپ، قاماۋعا الۋعا شەشىم شىعارىلعان.

ەستەرىڭىزگە سالايىق، بۇعان دەيىن گۇلنارا كارىموۆا ءۇي قاماعىندا وتىر دەگەن بەيرەسمي اقپارات تاراعان بولاتىن. يسلام كارىموۆ ولگەننەن بەرى گۇلنارا كارىموۆا حالىق الدىنا مۇلدە شىقپاعان. ول ءتىپتى اكەسىنىڭ جەرلەۋ راسىمىنە دە قاتىسا الماعان. شەت ەلدىك ساياساتتانۋشىلاردىڭ ايتۋىنشا، وزبەكستاننىڭ قازىرگى بيلىگى گۇلنارا كارىموۆاعا قىسىم كورسەتۋ ارقىلى ءۇي قاماعىندا ۇستاپ وتىر.

“The Qazaq Times”