كوپ تالقىلانعان ءۇش ەلگە باعىتتالعان جاڭا سانكتسيانى اقش كونگرەستە ماقۇلداندى

25 شىلدە كۇنى اقش كونگرەسى رەسەي، يران جانە سولتۇستىك كورەياعا باعىتتالعان جاڭا سانكتسيا جوباسىن رەسمي بەكىتتى. وكىلدەر ۇيىندەگى 419 داۋىستىڭ ماقۇلداۋىمەن وتكەن جوباعا قارسى نەبارى 3 قارسى داۋىس بەرىلگەن. بۇل تۋرالى «شينحۋا» اگەنتتىگى حابارلاپ وتىر.

اتالعان جوبادا رەسەيگە ۋكراينا داعدارىسىن جاسادى جانە 2016 جىلعى اقش پرەزيدەنت سايلاۋىنا ارالاستى دەگەن ايىپتار تاعىلعان. سونىمەن قاتار رەسەيلىك وكىلەتتى جانە جەكە تۇلعالارعا قاراتا سانكتسيا جاريالانعان. وعان قوسا، بالليستيكالىق زىمىرانداردى جانە يادرولىق باعدارلامالاردى دامىتقانى ءۇشىن يران مەن سولتۇستىك كورەياعا باعىتتالعان سانكتسيا شەشىمدەرىن قامتيدى.

ءۇش ەلگە قاراتىلعان سانكتسيا جوباسىنا قوسىمشا، رەسەيگە باعىتتالعان سانكتسيالاردى اقش پرەزيدەنتىنىڭ جەكە بۇيرىعىمەن توقتاتۋىنا شەكتەۋ قويىلعان زاڭ جوباسى دا بار. ايتالىق، اقش پرەزيدەنتى رەسەيگە قارسى سانكتسيالاردى نەمەسە ديپلوماتيالىق مۇلىكتى قايتارۋ، ەكى ەل قارىم-قاتىناسىندا «جاڭا بەت بۇرىس» جاساۋ سىندى نەگىزگى سىرتقى ساياساتقا ساياتىن ىستەردە اقش پرەزيدەنتىنىڭ جەكە شەشىمدەرى شەكتەۋگە ۇشىراعان. سونداي-اق، كونگرەسسكە پرەزيدەنت شەشىمىنە ۆەتو قويۋعا قۇقىق بەرىلگەن. الدا، زاڭ جوباسى سەناتتىڭ قاراۋىنا ۇسىنىلىپ، جاز ايلارى اياقتالۋدان بۇرىن رەسمي اتقارىلادى دەپ شەشىلگەن.

بۇل الداعى ۋاقىتتا اقش پەن رەسەي قارىم قاتىناسىنا تىكەلەي اسەر ەتەتىن سانكتسيا جوباسى بولىپ سانالادى. رەسەيگە وسىعان دەيىن سالىنعان سانكتسيالارعا ۇستەمە رەتىندە شىعارىلعان جاڭا جوبا، ونسىزدا قىرعي-قاباق ەكى ەلدىڭ ارا قاتىناسىن ءتىپتى دە سالقىنداتا تۇسكەلى تۇر.

“The Qazaq Times”