اقۇي ءباسپاسوز حاتشىسى شون سپايسەر.

اقش ۇكىمەتىنىڭ ءباسپاسوز حاتشىسى شون سپايسەر وتستاۆكاعا كەتتى، دەپ حابارلايدى اقۇي ءباسپاسوز قىزمەتى.

جەرگىلىكتى باق وكىلدەرىنىڭ مالىمەتىنشە، شون سپايسەر وتستاۆكاعا دونالد ترامپ قوعاممەن بايلانىس قىزمەتىنىڭ باسشىلىعىنا ەنتوني سكارامۋچچيدى تاعايىنداعاننان كەيىن كەتكەن. ول سكارامۋچچيدىڭ بۇل قىزمەتكە كەلۋىنە قارسى بولعان.

ءبىر قىزىعى شون سپايسەردىڭ وتستاۆكاعا كەتۋى اقش كونگرەسسى مەن زاڭ مينيسترلىگىنىڭ ترامپ اينالاسىنداعىلاردىڭ رەسەيمەن بايلانىسىن تەكسەرۋىمەن تۇسپا-تۇس كەلگەن.

بۇعان دەيىن سپايسەر حالىققا دۇرىس حابار جەتكىزبەگەنى ءۇشىن بىرنەشە رەت ۇلكەن داۋعا قالعان بولاتىن.

شىلدەنىڭ 21-ءى كۇنى تاڭعى ساعات 10-دا دونالد ترامپ ەنتوني سكارامۋچچيدى قوعاممەن بايلانىس قىزمەتىنىڭ باسشىلىعىنا تاعايىنداعاننان كەيىن، 30 مينۋتتان سوڭ سپايسەر ءوزىنىڭ وتستاۆكاعا كەتەتىندىگى جايىندا مالىمدەمە جاساعان. ول ءوزىنىڭ تۆيتتەر پاراقشاسىنا: "مەن ءۇشىن مىنانداي تاڭعاجايىپ ەلدىڭ پرەزيدەنتىنە قىزمەت ەتۋ ۇلكەن مارتەبە. مەن ءوز قىزمەتىمدى تامىز ايىنا دەيىن جالعاستىرامىن" - دەپ جازعان.

“The Qazaq Times”