پۋتين مەن شي جينپيڭ بىرىگىپ جۇمىس جاساۋعا ۋاعدالاستى

كەشە ماسكەۋدە رەسەي پرەزيدەنتى ۆلاديمير پۋتين مەن قىتاي باسشىسى شي جينپيڭ كەزدەستى.

كەزدەسۋ بارىسىندا ەكى ەل باسشىلارى كورەي تۇبەگىندەگى جاعداي مەن ءسۇريا ماسەلەسى جايىندا سويلەستى.

Xinhua اگەنتتىگىنىڭ مالىمەتىنشە، پۋتين مەن شي جينپيڭ الداعى ۋاقىتتادا بىرىگىپ كورەي تۇبەگىندەگى يادرولىق ماسەلەنى كەلىسسوزدەر ارقىلى شەشۋ كەرەكتىگىنە ۋاعدالاسقان.

ەستەرىڭىزگە سالايىق قىتاي باسشىسى رەسەيگە ەكى كۇندىك ىسساپارمەن بارعان بولاتىن. ءىسساپار بارىسىندا پۋتين مەن شي جينپيڭ 40-تان اسا قۇجاتقا قول قويادى. ونىڭ ىشىندە رەسەيدىڭ مادەنيەتىمەن تانىستىرۋ ماقساتىندا قىتايدا رەسەيلىك «كاتيۋشا» تەلەارناسىنىڭ كورسەتىلۋىنە رۇقسات بەرەتىن قۇجاتتا بار.

كەزدەسۋ سوڭىندا ۆلاديمير پۋتين شي ءجينپيڭدى 1 دارەجەلى قاسيەتتى اپوستول اندرەي پەرۆوزداننىيدىڭ وردەنىمەن ماراپاتتايدى دەپ كۇتىلۋدە.

«The Qazaq Times»