فوتو: Index.uz

وزبەكستان تەلەارنالارىندا ءبىرىنشى رەت ءسوز بوستاندىعى جايىندا ءسوز قوزعالدى.

ماۋسىمنىڭ 27 كۇنى وزبەكستاننىڭ مەملەكەتتىك «ماناۆيات ۆا ماريفات» تەلەارناسىنىڭ «اشىق ستۋديا» باعدارلاماسىندا ەل تاريحىندا تۇڭعىش رەت ءسوز بوستاندىعى جايىندا اڭگىمە قوزعالدى.

باعدارلاما بارىسىندا وزبەكستان جۋرناليستەرى وزدەرىنىڭ بيلىك تاراپىنان قانشالىقتى قىسىم كورەتىندىكتەرى جايىندا، تاۋەلسىز باسىلىمداردىڭ جاي، كۇيى جايىندا اڭگىمە ايتىلدى.

ەستەرىڭىزگە سالايىق 30 مامىر كۇنى ەل پرەزيدەنتى شاۆحات ميرزيەەۆ وزبەكستاندىق جۋرناليستەردى سىنعا الىپ «ۋرا-پاتريوتيزم ۋاقىتى ءوتتى. مەملەكەتتىك تەلەارنالاردان سىني-ساراپتامالىق دۇنيەلەردى كورسەتۋ كەرەك. حالىق تەلەارنالاردان كورسەتىلەتىن باعدارلامالاردى تاعاتسىزدانا كۇتۋى ءتيىس. ءبىز تەلەارنالاردىڭ فورماتىن وزگەرتۋىمىز كەرەك.» دەگەن بولاتىن.

بىراق، ءالى كۇنگە دەيىن بيلىككە دات ايتاتىن سايتتار ەل اۋماعىندا بۇعاتتاۋلى كۇيىندە تۇر. وزبەكستان حالقى بۇل سايتتاردى وقۋ ءۇشىن پروكسي-سەرۆەر نەمەسە VPN-سەرۆيستەردى پايدالانۋعا ءماجبۇر بولىپ كەلەدى.

“The Qazaq Times”