يران ءسۇريا اۋماعىنداعى «يسلام مەملەكەتى» لاڭكەستىك ۇيىمىن ورتاشا قاشىقتىقتاعى زىمىراندارىمەن اتقىلادى.

Tasnim اقپارات اگەنتتىگىنىڭ مالىمەتىنشە، يران يسلام رەۆوليۋتسياسىنىڭ قورعاۋشىلارى ءسۇريانىڭ شىعىسىنداعى «يسلام مەملەكەتى» سودىرلارىنىڭ اسكەري بازالارىنا شابۋىل جاساعان.

يران ءسۇريانىڭ شىعىسىنداعى تەررورلىق توپتاردى تەگەرانداعى اياتوللا حومەنەي مەن يران پارلامەنتىنىڭ عيماراتىنا جاسالعان لاڭكەستىك شابۋىلعا قاتىسى بار دەپ ەسەپتەيدى. سول سەبەپتى يران يسلام رەۆوليۋتسياسىن قورعاۋشىلارى كەك الۋ ماقساتىندا سۇرياداعى «يسلام مەملەكەتى» سودىرلارىن بومبىلاعان.

ەستەرىڭىزگە سالا كەتسەك، تەگەرانداعى تەراكتى كەزىندە 18 ادام كوز جۇمعان بولاتىن. ال يراننىڭ  «يسلام مەملەكەتى»  لاڭكەستەرىن بومبىلاۋىنان قانشا ادام زارداپ شەككەنى جايىندا ەشقانداي اقپارات جوق.

“The Qazaq Times”