Иран Сүрия аумағындағы «Ислам мемлекеті» лаңкестік ұйымын орташа қашықтықтағы зымырандарымен атқылады.

Tasnim ақпарат агенттігінің мәліметінше, Иран ислам революциясының қорғаушылары Сүрияның шығысындағы «Ислам мемлекеті» содырларының әскери базаларына шабуыл жасаған.

Иран Сүрияның шығысындағы террорлық топтарды Тегерандағы Аятолла Хоменей мен Иран парламентінің ғимаратына жасалған лаңкестік шабуылға қатысы бар деп есептейді. Сол себепті Иран ислам революциясын қорғаушылары кек алу мақсатында Сүриядағы «Ислам мемлекеті» содырларын бомбылаған.

Естеріңізге сала кетсек, Тегерандағы теракты кезінде 18 адам көз жұмған болатын. Ал Иранның  «Ислам мемлекеті»  лаңкестерін бомбылауынан қанша адам зардап шеккені жайында ешқандай ақпарат жоқ.

“The Qazaq Times”