وتتو ۋورمبير. فوتو: Reuters.

سولتۇستىك كورەيا 15 جىلعا سوتتالعان اقش ازاماتىن بوستاندىققا شىعاردى.

«2016 جىلدىڭ قاڭتار ايىندا سولتۇستىك كورەيا اۋماعىندا 15 جىلعا سوتتالعان 22 جاسار امەريكالىق ستۋدەنت وتتو ۋورمبير بوستاندىققا شىعىپ، ەلگە قايتىپ كەلە جاتىر.» - دەدى اقش-تىڭ مەملەكەتتىك حاتشىسى رەكس تيللەرسون 13 ماۋسىم كۇنى جۋرناليستەر الدىندا سويلەگەن سوزىندە.

بۇدان بولەك تيللەرسون سولتۇستىك كورەيادان ءۋورمبيردى الىپ كەلۋگە مەملەكەتتىك دەپارتامەنتتىڭ كوپ كۇش سالعانىن، بۇل اتقارىلعان جۇمىس تىكەلەي ترامپتىڭ تاپسىرماسىمەن ىسكە اسىرىلعانىن ايتقان.

ال The Washington Post  باسىلىمىنىڭ مالىمەتىنشە، ۋورمبير ءبىر جىل بويى سولتۇستىك كورەيادا كومادا جاتقان. قازىرگى ۋاقىتتا اقش ۇكىمەتى ونى تۋعان جەرى وگايو شتاتىنداعى تسينتسينناتي قالاسىنا الىپ كەلگەن.

“The Qazaq Times”