كاتار داعدارىسىنا رەسەيدىڭ قاتىسى بار

كاتار داعدارىسىنا رەسەيدىڭ قاتىسى بار دەپ حابارلادى سNN تەلەارناسى.

CNN ارناسىنىڭ مالىمەتى بويىنشا، رەسەيلىك حاكەرلەر كاتاردىڭ مەملەكەتتىك QNA اقپارات اگەنتتىگىنىڭ سەرۆەرلەرىن بۇزىپ، وعان وزدەرىنىڭ دايىنداعان ماتەريالدارىن جاريالاعان. تەلەارناسىنىڭ ايتۋىنشا رەسەيلىك حاكەرلەردىڭ بۇل ءىسى كاتار داعدارىسىنا ءوز اسەرىن تيگىزگەن.

كيبەرشابۋىلدىڭ بولعاندىعى جايىندا CNN تەلەارناسىنا كاتاردىڭ سىرتقى ىستەر ءمينيسترى مۇحاممەد بەن ابدەل راحمان ءال تاني دە راستاعان.

مۇحاممەد بەن ابدەل راحمان ءال ءتانيدىڭ  ايتۋىنشا كيبەرشابۋىلدىڭ سالدارىنان QNA سايتىندا كاتار بيلىگىنە ەش قاتىسى جوق اقش پرەزيدەنتى دونالد ترامپتىڭ بيلىك باسىندا كوپ تۇرا المايتىندىعى جايىنداعى ماتەريالدار، يران مەن يزرايل بيلىگىن قولدايتىن ماتەريالدار جاريالانعان.

قازىرگى تاڭدا كاتارمەن ءباا، ساۋد ارابياسى، ەگيپەت، باحرەين كارولدىگى، يەمەن، ليۆيا، مالديۆ ارالدارى ديپلوماتيالىق قارىم-قاتىناستارىن ۇزگەن. جوعارىدا اتالعان مەملەكەتتەر كاتاردى «ال-كايدا» مەن «يسلام مەملەكەتى» لاڭكەستىك ۇيىمدارىنىڭ يدەالوگياسىن تاراتۋ ارقىلى اراب الەمىن ۋلاپ جاتىر دەپ ايىپتايدى.

“The Qazaq Times”