فرانتسۋز روبەر مارشان ەسىمدى قاريا ۆەلەسيپەدپەن ءبىر ساعاتتا 22,5 شاقىرىم جول باسىپ، ءوز جاسىنداعى كاتەگوريا بويىنشا رەكورد ورناتتى. ەندى ول 105 جاسقا دەيىنگى ۆەلوسپورتشىلار اراسىنداعى چەمپيون.
بۇل اتاقتى، ياعني 100-105 جاس ارالىعىنداعى سپورتشىلار قاتارىنداعى چەمپيوندىقتى ول 2012 جىلدان بەرى ەشكىمگە بەرمەي كەلەدى.
«مەن بۇل جەرگە چەمپيون بولۋ ءۇشىن كەلگەن جوقپىن، كەرىسىنشە، 105 جاستاعى ادام ۆەلەسيپەدپەن جۇرە الاتىنىن دالەلدەگەلى كەلدىم» دەپتى قارتتىڭ ءوزى.
ول بۇدان دا جاقسى ناتيجە كورسەتەتىنىنە ءۇمىتتى بولعان. ۆلەو جۇرىستەن كەيىن سپورتشى ءوزىن جاقسى سەزىنىپتى. اياعى اۋىرماعان، تەك رەۆماتيزمنىڭ اسەرىنەن قولدارى ءسال قاقساعان سەكىلدى. 2012 جىلى مارشان ساعاتىنا 26,9 شاقىرىم جول باسىپ، ءوز قاتارلاستارى اراسىنان اعالاپ شىققان-دى.
وسىعان وراي، قارت سپورتشى ءوزىنىڭ بۇرىنعى فورماسىندا ەمەس ەكەنىنە ءسال كوڭىلى تولماي قالىپتى. الايدا، ول وسى جاسىندا ۆەلەسيپەدپەن زاۋلاتىپ ءجۇرۋىنىڭ سەبەبىن، دۇرىس ديەتادان دەيدى.
كوبىرەك جەمىس-جيدەك جانە ازداعان ەت جەۋدى، سونداي-اق كوفەنى ءجيى ءىشۋدى ايتقان. ول ءار كۇنى ءبىر ساعات ۆەلوجاتتىعۋ ساپابىندا جاتتىعۋ جاساپ تۇرادى ەكەن.
مارشان 1911 جىلى تۋىلعان. ول كەزىندە بوكسپەن دە اينالىسىپتى.
"The Qazaq Times"
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى