شانحاي ىنتىماقتاستىق ۇيىمىنىڭ قاتارىنا ءۇندىستان مەن پاكىستاننىڭ كىرۋى ۇيىمنىڭ حالىقارالىق تەرروريزممەن كۇرەستە كۇشىن ارتىرادى دەدى رف ءسىم ورىنباسارى يگور مورگۋلوۆ.

بۇعان دەيىن شىۇ باس حاتشىسى راشيد اليموۆ ريا نوۆوستي اقپارات اگەنتتىگىنە بەرگەن سۇحباتىندا، ءۇندىستان مەن پاكىستان بيىل ماۋسىم ايىندا استانادا وتەتىن شىۇ سامميتىندە ۇيىمعا مۇشەلىككە قابىلدانادى دەپ مالىمدەگەن بولاتىن.

شانحاي ىنتىماقتاستىق ۇيىمىن 2001 جىلى قازاقستان، رەسەي، وزبەكستان، قىرعىزستان، قىتاي ەلدەرى باسشىلارى قۇرعان. 2016 جىلى وزبەكستاندا وتكەن سامميتتە ءۇندىستان مەن پاكىستاندى ۇيىمعا قابىلداۋ جونىندە مەماراندۋمعا قول قويىلعان.

قازىرگى تاڭدا بەلورۋسسيا، مونگوليا، اۋعانستان، يران ەلدەرى ۇيىمعا باقىلاۋشى رەتىندە عانا قاتىسۋدا. ال ازەربايجان، كامبودجا، ارمەنيا، نەپال، تۇركيا، شري-لانكا مەملەكەتتەرى ستراتەگيالىق ماڭىزعا يە ارىپتەستەر قاتارىندا.

“The Qazaq Times”