ۇلىبريتانيا پوليتسياسىنىڭ لاڭكەستىككە قارسى ءبولىمى لوندون اۋەجايىندا 37 جاستاعى ەر ازاماتتى ۇستادى دەپ حابارلايدى ۆۆس اقپاراتتار قىزمەتى.

ۇلىبريتانيا پوليتسياسى لوندوننىڭ ستانستەد اۋەجايىندا تۇركيا ارقىلى سۇرياعا ۇشايىن دەپ تۇرعان جەرىنەن، لاڭكەستىك شابۋىلداردى  ۇيىمداستىردى دەگەن كۇدىكپەن 37 جاستاعى ەر ازاماتتى ۇستاعان.

ۇلىبريتانيا پوليتسياسىنىڭ مالىمەتىنشە بۇل ەر ازاماتتىڭ ۇستالۋى Manchester Arena ستاديونىندا بولعان جارىلىسقا قاتىسى جوق.

ەستەرىڭىزگە سالايىق مامىردىڭ 22 كۇنى مانچەستەر قالاسىنىڭ Manchester Arena ستاديونىنا لاڭكەستىك شابۋىل جاسالىپ, سالدارىنان 22 ادام كوز جۇمىپ، 59 ادام جارالانعان بولاتىن.

بۇل تەررورلىق اكت ۇلىبريتانيا تاريحىندا بولعان ەكىنشى ءىرى لاڭكەستىك شابۋىل. بۇعان دەيىن 2005 جىلى لوندون قالاسىنداعى تەررورلىق شابۋىل كەزىندە 50 ادام كوز جۇمعان.

"The Qazaq Times"