يران مەن رەسەي بانك كارتوچكالارىن بىرىكتىردى

"فارس" اقپاراتتىق اگەنتتىگىنىڭ حابارلاۋىنشا يراننىڭ ورتالىق بانكى: «يراندىق جانە رەسەيلىك ازاماتتار 2017 جىلدىڭ تامىز ايىنان باستاپ، يران مەن رەسەيدىڭ بانكوماتتارىنان ورتاق پايدالانا الادى» دەپ مالىمدەگەن.

يراننىڭ ورتالىق بانكى يران مەن رەسەيدىڭ بانك كارتوچكالارىنىڭ ەكى ەلدىڭ بانك سالاسىنداعى بايلانىستارى كەڭەيۋىنىڭ جالعاسىندا حالىقارالىق دەڭگەيدە قوسىلعانىن حابارلادى.

يران مەن رەسەي اراسىندا بىرنەشە ايعا سوزىلعان كەلىسسوزدەردەن كەيىن يران يسلام رەسپۋبليكاسىنىڭ كارتوچكا قۇرىلعىسىن رەسەيدىڭ كارتوچكا قۇرىلعىسىنا قوسۋ ءۇشىن جاسالان كەلىسىمنەن كەيىن سىناق تۇردەگى اقشا جونەلتىمدەرى مامىر ايىنىڭ 15-نەن باستالدى.

يران مەن رەسەيدىڭ بانك كارتوچكالارىنىڭ بايلانىسى يراننىڭ ءتۇرلى ايماقتارىندا تۋريزم مۇمكىندىكتەرىن كەڭەيتۋمەن قوسا يراندىق، رەسەي جانە تمد ەلدەرىنىڭ ساياحاتشىلار ءۇشىن ەداۋىر جەڭىلدىك قالىپتاستىرادى.

باتىس ەلدەرىنەن ءاردايىم وقشاۋلانىپ تۇراتىن يراننىڭ رەسەيمەن جاقىنداسۋى بۇرىننان جالعاسىپ كەلە جاتقان ءداستۇر دەگەنىمىزبەن سوڭعى كەزدەردەگى گەوساياسي جاعدايلار، ەكونوميكالىق سانكتسيالار اتالعان ەكى ەلدى تىپتەن جاقىنداستىرىپ بارادى.

“The Qazaq Times”