ءسۇريا ۇكىمەتىنىڭ وكىلدەرى مەن وعان قارسى توپ وكىلدەرى كەزدەستى. فوتو: People.com.cn

16 مامىر كۇنى ءسۇريا ۇكىمەتىنىڭ وكىلدەرى شۆەيتساريانىڭ جەنەۆا قالاسىنداعى مەملەكەتتەر سارايىنا كەلىپ جەتتى. اتالعان قالادا ءسۇريا ماسەلەسى جونىندە جاڭا كەزەكتى كەلىسسوز 17 مامىر كۇنى باستالعان بولاتىن. بۇل رەتكى جاڭا كەلىسسوز ءۇش كۇنگە جالعاسادى دەپ كۇتىلۋدە. بۇل تۋرالى People.com حابارلاپ وتىر.

2016 جىلدان بەرى سۇرياداعى جاعدايدى وڭاۋ، داعدارىستى ءبىر جايلى ەتۋ ءۇشىن بۇۇ جەتەكشىلىگىندە ءسۇريا ۇكىمەتى مەن وعان قارسى توپ جەنەۆا قالاسىندا تالاي مارتە باس قوستى. الايدا، ەكى تاراپ ازىرگە دەيىن بەيبىت بىتىمگە كەلىسە الماي كەلەدى. وسىعان دەيىن اتالعان قالادا وتكىزىلگەن كەلىسسوزدەردىڭ كوبى ساتسىزدىكپەن اياقتالۋدا.

الايدا، بۇۇ بۇل رەتكى كەلىسسوزدىڭ ماڭىزى جوعارى دەپ قارايدى. ەكى توپ اراسىندا بەيبىت بىتىمگە كەلىپ، ىمىرالاسۋ جۇزەگە اسىپ جاتسا، سۇرياداعى قاقتىعىستار مەن قارۋلى شابۋىلداردى ءبىر جولاتا توقتاتىپ، ءسۇريا حالقىنا بەيبىت ءومىر سيلاۋعا بولار ەدى دەپ قارايدى.

“The Qazaq Times”