Сүрия үкіметінің өкілдері мен оған қарсы топ өкілдері кездесті. Фото: People.com.cn

16 мамыр күні Сүрия үкіметінің өкілдері Швейцарияның Женева қаласындағы Мемлекеттер сарайына келіп жетті. Аталған қалада Сүрия мәселесі жөнінде жаңа кезекті келіссөз 17 мамыр күні басталған болатын. Бұл реткі жаңа келіссөз үш күнге жалғасады деп күтілуде. Бұл туралы People.com хабарлап отыр.

2016 жылдан бері Сүриядағы жағдайды оңау, дағдарысты бір жайлы ету үшін БҰҰ жетекшілігінде Сүрия үкіметі мен оған қарсы топ Женева қаласында талай мәрте бас қосты. Алайда, екі тарап әзірге дейін бейбіт бітімге келісе алмай келеді. Осыған дейін аталған қалада өткізілген келіссөздердің көбі сәтсіздікпен аяқталуда.

Алайда, БҰҰ бұл реткі келіссөздің маңызы жоғары деп қарайды. Екі топ арасында бейбіт бітімге келіп, ымыраласу жүзеге асып жатса, Сүриядағы қақтығыстар мен қарулы шабуылдарды бір жолата тоқтатып, Сүрия халқына бейбіт өмір силауға болар еді деп қарайды.

“The Qazaq Times”