وڭتۇستىك كورەيا THAAD قۇرىلعىسىن اقش-قا قايتارىپ بەرۋى مۇمكىن

وڭتۇستىك كورەيا اقش-قا THAAD زىمىرانعا قارسى قورعانىس قۇرىلعىسىن قايتارىپ بەرۋى مۇمكىن دەپ حابارلايدى ريا نوۆوستي اقپارات اگەنتتىگى.

بۇل جايىندا قازىر وڭتۇستىك كورەيادا بيلىك باسىندا تۇرعان دەموكراتيالىق پارتيانىڭ فراكتسيا باسشىسى ۆۋ ۆون سيك جەرگىلىكتى راديولاردىڭ بىرىنە بەرگەن سۇحباتىندى «ءبىز بۇل ماسەلەنى تولىقتاي زەرتەيتىن بولامىز. ەگەر THAAD قۇرىلعىسى وڭتۇستىك كورەيا زاڭى بويىنشا تولىقتاي تەكسەرىستەن وتپەگەن بولسا، ءبىز ونى اقش-قا قايتارىپ بەرەمىز.» دەگەن.

وڭتۇستىك كورەيا زاڭى بويىنشا  ەل اۋماعىنا قاندايدا ءبىر اسكەري قۇرىلعىنى ورنالاستىرۋ ءۇشىن وڭتۇستىك كورەيا پارلامەنتىنىڭ كەلىسىمى كەرەك. بىراق  بۇرىنعى پرەزيدەنت ادمينيستراتسياسى پارلامەنتتىڭ كەلىسىمىنسىز THAAD قۇرىلعىسىن ورنالاستىرۋعا رۇقسات بەرگەن.

ەستەرىڭىزگە سالايىق وڭتۇستىك كورەيانىڭ قازىرگى پرەزيدەنتى مۋن چجە ين، سايلاۋ الدى باعدارلاماسىندا ەل اۋماعىندا THAAD قۇرىلعىسىن ورناتۋعا قارسى ەكەندىگىن ايتقان بولاتىن.

“The Qazaq Times”