فرانتسيانىڭ جاڭا پرەزيدەنتى يادرولىق قارۋدىڭ كىلتسوزىن وتكىزىپ الدى

سول جەردىڭ جەرگىلىكتى ۋاقىتىمەن 14 مامىر كۇنى، ەممانۋەل ماكرون رەسمي تۇردە فرانتسيانىڭ پرەزيدەنتى بولىپ بەكىتىلدى. نەمەسە فرانتسيانىڭ ناپولەوننان بەرگى تاريحتاعى ەڭ جاس پرەزيدەنتى ەلدىڭ باسشىلىق قىزمەتىن باستاپ كەتتى. فرانتسيا اقپارات قۇرالدارىنىڭ بۇگىنگى جاريالاعان حابارىندا، ماكرون بۇگىن پرەمەر-ءمينيستردى تاعايىنداعاننان كەيىن، بىردەن شەتەلدەگى رەسمي ساپارىن باستايدى. العاشقى شەتەلدەگى مەملەكەتتىك ساپارىن گەرمانيادان باستاماق. فرانتسيانىڭ جاڭا پرەزيدەنتى گەرمانيا كانتسلەرى انگەلا مەركەلمەن 15 مامىردا كەزدەسەدى.

ۇلىبريتانيا، BBC-ءدىڭ حابارلاۋىنشا، ەممانۋەل ماكروننىڭ پرەزيدەنتتىگىن ۇلىقتاۋ سالتاناتى پاريجدەگى ەليسەي سارايىندا 14 مامىر تۇستەن بۇرىن بولىپ ءوتتى. بۇرىنعى پرەزيدەنت وللاند پەن ماكرون ەكەۋى جارتى ساعاتتىق قۇپيا كەڭەستە بولدى. بۇل قۇپيا كەڭەس فرانتسيانىڭ يادرولىق قارۋ كىلتسوزىن تاپسىرىپ بەرۋدى دە قامتيدى.

ۇلىقتاۋ سالتاناتىندا ماكرون: «مەن ءدال وسى كەشتەن باستاپ ءوزىم ۋادە ەتكەندەي جۇمىسقا كىرىسەمىن»، – دەدى. سونىمەن بىرگە فرانتسياعا ءتان سەنىمدىلىكتى قالپىنا كەلتىرۋگە بار كۇشىن جۇمسايتىنىن ايتتى. ول فرانتسيانىڭ قازىر اۋىر جاعدايدا تۇرعانىن – ميگرانتتار ماسەلەسى، تەرروريزم، كليماتتىڭ وزگەرۋى تاعى باسقا دا ماسەلەلەرگە جاۋاپ تابۋ كەرەك ەكەنىن قاداي ايتتى. ماكرون سوزىندە: «ەۋروپانى قايتا قۇرۋ كەرەك; فرانتسيا حالقىنىڭ اراسىندا سالىستىرىپ تەكسەرۋگە كۇش سالۋ كەرەك; فرانتسيالىقتاردىڭ بولاشاققا دەگەن سەنىمىن نىعايتۋ كەرەك»، – دەدى.

"The Qazaq Times"