تاشكەنت اۋەجايىنا وزبەكستاننىڭ بۇرىنعى باسشىسى يسلام كاريموۆتىڭ ەسىمى بەرىلدى.

تاشكەنت اۋەجايىنا يسلام كارىموۆ ەسىمىن بەرۋ جونىندەگى شەشىمگە وزبەكستاننىڭ قازىرگى پرەزيدەنتى شاۆحات ميرزەەۆ مامىردىڭ 4 كۇنى قول قويعان.

بۇدان بولەك شاۆحات ميرزەەۆ وزبەكستاننىڭ پرەممەر-ءمينيسترى ا.ن.اريپوۆقا، «وزبەكستان اۋە جولدارى» كومپانياسىنىڭ باسشىلىعىنا، تاشكەنت قالاسىنىڭ اكىمشىلىگىنە 40 كۇن ىشىندە اۋەجايدى كۇردەلى جوندەۋدەن وتكىزۋگە بايلانىستى جوسپار جاساۋدى تاپسىرعان.

شاۆحات ميرزەەۆ 2016 جىلى يسلام كارىموۆقا ەسكەرتكىش ورناتۋعا حالىقارالىق تەندەر جاريالاعان بولاتىن.

وزبەكستاندى 1989 جىلدان بەرى ۇزدىكسىز باسقارىپ كەلگەن يسلام كارىموۆ 2016 جىلى 78 جاسىنا قاراعان شاعىندا دۇنيەدەن وزعان ەدى.

"The Qazaq Times"