اقش اۋعانستانداعى اسكەرىنىڭ سانىن كوبەيتپەك دەپ حابارلايدى راديو سۆوبودا اقپارات كوزى.

اقش-تىڭ قورعانىس مينيسترلىگى اۋعانستانعا 5 مىڭ اسكەر جىبەرۋدى جوسپارلاپ وتىر. وسىعان بايلانىستى الداعى اپتادى پەنتاگون اقش پرەزيدەنتى دونالد ترامپقا اۋعانستانداعى اقش-تىڭ جاڭا اسكەري وپەراتسياسى جونىندەگى قۇجاتتى ۇسىنباق.

قازىرگى تاڭدا اۋعانستاندا تاليبان قوزعالىسى مەن اۋعان اسكەرىنىڭ كۇشى تەڭ جاعدايدا. سول سەبەپتى اقش اۋعانستان اسكەرىن وقۋ-جاتتىعۋدان وتكىزۋگە كومەكتەسۋ ماقساتىندا ەل اۋماعىنداعى ءوز اسكەرىنىڭ سانىن كوبەيتپەك. بىراق بۇل جاعدايعا بايلانىستى اقش كونگرەسسى ازىرگە ەشقانداي پىكىر بىلدىرگەن جوق.

اقش اسكەرىنىڭ اۋعانستان اۋماعىنا ەڭ كوپ كەلگەن ۋاقىتى 2011 جىل. ول كەزدە اۋعان جەرىندە پەنتاگوننىڭ 100 مىڭعا جۋىق اسكەرى بولعان. قازىر ولاردىڭ سانى 8 مىڭ. اقش اۋعانستانعا 2001 جىلدىڭ 11 قىركۇيەگىندە نيۋ-يورك قالاسىندا ورنالاسقان بۇكىل الەمدىك ساۋدا ورتالىعىنا جاسالعان لاڭكەستىك شابۋىلدان كەيىن اسكەرىن كىرگىزگەن بولاتىن.

"The Qazaq Times"