رەسەي، اقش، تۇركيا، ءسۇريادا قاۋىپسىز ايماق قۇرماقشى

رەسەي، اقش، تۇركيا، ءسۇريا جەرىندە قاۋىپسىز ايماق قۇرۋعا بايلانىستى كەلەسىمگە كەلۋگە جاقىن دەپ حابارلايدى ۆۆس اقپارات اگەنتتىگى ۆلاديمير ءپۋتيننىڭ سوزىنە سىلتەمە جاساپ.

رەسەي باسشىسى ۆلاديمير پۋتين كەشە سوچيدە تۇركيا پرەزيدەنتى رەجەپ تايىپ ەردوعانمەن كەزدەسۋىندە «ءسۇريا دا قۇرىلعالى جاتقان قاۋىپسىز ايماقتا ەشقانداي اسكەري وپەراتسيالار جۇرگىزىلمەيدى. مەن بۇل جايىندا اقش پرەزيدەنتى دونالد ترامپپەن دە سويلەستىم. اقش تاراپى دا بۇل باستامانى قولداپ وتىر. بۇل كەلىسسوزدەردىڭ نۇكتەسى قازاقستان استاناسى استانادا قويىلۋى ءتيىس. » دەگەن.

ال فرانس-پرەسس اقپارات اگەنتتىگىنىڭ مالىمەتىنشە رەسەي تاراپى يدليب پەن حومس پروۆينتسيالارىن جانە داماسك ماڭىنداعى شىعىس گۋتا اۋماعىن قوسىپ قاۋىپسىز ايماق جاساۋدى كوزدەپ وتىر. بۇل جايىندا  تۇركيا، اقش، ءسۇريا باسشىلارىنا ۇسىنىستا جاساعان.

بىراق قازىردىڭ وزىندە استاناداعى باسقوسۋدا  سۇريا وپپوزيتسياسى وكىلدەرى كەلىسسوزگە قاتىسۋدان باس تارتىپ وتىر. ولاردىڭ ايتۋىنشا باشار اساد اسكەرى ءسۇريا وپپوزيتسياسى قاراماعىنا كىرەتىن اياقتاردى بومبىلاۋىن ءالى توقتاتپاي وتىرعان كورىنەدى.

وسىعان قاراعاندا رەسەيدىڭ سۇرياداعى سوعىستى بەيبىت جولمەن شەشۋ باستاماسى اياقسىز قالۋى ابدەن مۇمكىن.

“The Qazaq Times”